Best Budget Tablet
Best Budget Tablet : एचएमडी ग्लोबलने इंडोनेशियामध्ये नोकिया ब्रँडसह एक नवीन बजेट टॅबलेट लॉन्च केला आहे. नवीन Nokia T21 टॅबलेटमध्ये 128GB पर्यंत स्टोरेज आणि 10.36-इंच स्क्रीन सारखी वैशिष्ट्ये आहेत. अलीकडे, नोकियाने इंडोनेशियामध्ये दोन नवीन एंट्री-लेव्हल स्मार्टफोन Nokia C21 Plus आणि Nokia C31 लाँच केले आहेत. नवीन Nokia T21 टॅबलेटमध्ये काय खास आहे? त्याबद्दल सर्व काही जाणून घेऊया…
Nokia T21 किंमत
Nokia T21 ची घोषणा काही महिन्यांपूर्वी झाली होती. आणि ते आता इंडोनेशियामध्ये खरेदीसाठी उपलब्ध आहे. Nokia T21 टॅबलेट ग्रे कलरमध्ये उपलब्ध आहे. त्याची किंमत 3299000 इंडोनेशियन रुपिया (सुमारे 17,000 रुपये) आहे. डिव्हाइसची विक्री डिसेंबरमध्ये सुरू होणार असल्याची माहिती देण्यात आली आहे.
Nokia T21 स्पेसिफिकेशन्स
Nokia T21 बनवण्यासाठी मजबूत अॅल्युमिनियम बॉडी वापरली गेली आहे आणि टॅबलेटमध्ये 60 टक्के पुनर्नवीनीकरण केलेले प्लास्टिक कव्हर आहे. या टॅबलेटमध्ये 2000 x 1200 पिक्सेल रिझोल्यूशनसह 10.36 इंच IPS LCD स्क्रीन आहे.
Nekia T21 टॅबलेटमध्ये UniSoc T612 ऑक्टा-कोर प्रोसेसर आणि Mali-G57 GPU देण्यात आला आहे. नोकियाच्या या टॅबलेटमध्ये 4 जीबी रॅम आहे तर 64 जीबी आणि 128 जीबी इनबिल्ट स्टोरेज पर्याय उपलब्ध आहेत.
फोटोग्राफीबद्दल बोलायचे झाले तर Nokia T21 मध्ये LED फ्लॅशसह 8 मेगापिक्सेल ऑटोफोकस रियर कॅमेरा आहे. सेल्फी आणि व्हिडिओ कॉलिंगसाठी हँडसेटमध्ये 8-मेगापिक्सेल फ्रंट कॅमेरा आहे.
सॉफ्टवेअरसाठी Nokia T21 टॅबलेटमध्ये Android 12 ऑपरेटिंग सिस्टम उपलब्ध आहे. कंपनीने या डिव्हाइसमध्ये दोन वर्षांसाठी अँड्रॉइड अपग्रेड आणि तीन वर्षांसाठी मासिक सुरक्षा अद्यतनांचे वचन दिले आहे. या Nokia टॅबलेटला पॉवर देण्यासाठी, 8200mAh बॅटरी उपलब्ध आहे जी 18W फास्ट चार्जिंगला सपोर्ट करते.