KYC Update : देशाची आर्थिक व्यवस्था सुरक्षित करण्यासाठी, रिझर्व्ह बँक ऑफ इंडियाने ग्राहकांना वेळोवेळी KYC अपडेट करणे अनिवार्य केले आहे. ही प्रक्रिया सुलभ करण्यासाठी, आरबीआयने वापरकर्त्यांना केवायसी ऑनलाइन अपडेट करण्याची सेवा देखील प्रदान केली आहे. ही सेवा अशा ग्राहकांसाठी आहे ज्यांनी वैध कागदपत्रे सादर केली आहेत. लोक आता बँकेला भेट न देता त्यांची KYC माहिती ऑनलाइन अपडेट करू शकतात.
केवायसी म्हणजे काय?
केवायसी ही एक वेळची प्रक्रिया आहे ज्यामध्ये बँका त्यांच्या ग्राहकाच्या ओळखीशी संबंधित माहिती घेतात आणि त्याची पडताळणी करतात. बँक खाते उघडताना किंवा इतर आर्थिक उत्पादनांमध्ये गुंतवणूक करताना ग्राहकांना KYC प्रक्रियेतून जावे लागते. जर तुमच्या बँकेने तुम्हाला तुमच्या खात्याशी संबंधित KYC माहिती अपडेट करण्यास सांगणारा ईमेल पाठवला असेल. रिझर्व्ह बँकेच्या मार्गदर्शक तत्त्वांनुसार बँका आणि इतर वित्तीय संस्थांनी त्यांच्या ग्राहकांचा बेकायदेशीर कामांसाठी वापर केला जाणार नाही याची हमी देण्यासाठी पुन्हा KYC करणे आवश्यक आहे.
केवायसीचे वेळोवेळी नूतनीकरण करणे आवश्यक आहे. आरबीआयच्या नियमांनुसार, बँकांना त्यांच्या ग्राहकांच्या जोखीम प्रोफाइलवर आधारित माहिती नियमितपणे अपडेट करणे आवश्यक आहे. खातेदार त्यांचा पॅन किंवा फॉर्म 60 सबमिट करून त्यांचा डेटा सुधारू शकतात. तुम्ही असे न केल्यास तुमचे खाते गोठवले जाऊ शकते. बँकेच्या सूचनेनंतर ग्राहकांना ३० दिवसांच्या आत कागदपत्रे अपडेट करावी लागतात.
अशातच तुम्हीही KYC अपडेट न केल्यामुळे तुमचे खाते गोठवले असेल आणि तुमच्या केवायसीमध्ये काही बदल झाले असतील तर तुम्ही काही कागदपत्रे जमा करून पुन्हा केवायसी अपडेट करू शकता. तुम्ही केवायसी ऑनलाइन उपडेट करू शकता.
केवायसी ऑनलाइन कसे अपडेट करावे?
-प्रथन तुमच्या ऑनलाइन बँकिंग पोर्टलवर लॉग इन करा.
-‘KYC’ टॅबवर क्लिक करा.
-ऑन-स्क्रीन सूचना वाचा आणि फॉलो करा. तुमची माहिती जसे की नाव, पत्ता आणि जन्मतारीख इत्यादी तपासा.
-प्रक्रिया पूर्ण करण्यासाठी पॅन, आधार आणि इतर आवश्यक कागदपत्रांची स्कॅन कॉपी अपलोड करा.
-सर्व प्रक्रिया पूर्ण केल्यानंतर, ‘सबमिट’ बटणावर क्लिक करा. यानंतर तुमची बँक तुम्हाला एसएमएस किंवा ई-मेलद्वारे याची माहिती देईल.
केवायसी अपडेटसाठी आवश्यक कागदपत्रे
-आधार कार्ड
-मतदार ओळखपत्र
-चालक परवाना
-पॅन कार्ड
-पासपोर्ट
-राष्ट्रीय ग्रामीण रोजगार हमी कायदा (NREGA) कार्ड.
