UPI : अनेकजण आर्थिक व्यवहार करताना डिजिटल पेमेंटला (Digital Payments) प्राधान्य देतात. खेड्यांपासून ते शहरांतील लोक UPI द्वारे पेमेंट (Payment through UPI) करतात. पेमेंट करत असताना पिन लक्षात ठेवणे गरजेचे असते.

अनेकजण पेमेंट करताना पिन (UPI PIN) विसरून जातात. त्यामुळे त्यांना पेमेंट करताना अडचणी येतात. पूर्वी पिन बदलण्यासाठी डेबिट कार्ड (Debit card) गरजेचे होते. परंतु, आता डेबिट कार्डशिवाय पिन (PIN) बदलता येतो.

पिन आवश्यक आहे

UPI अॅप वापरून पेमेंट करण्यासाठी पिन आवश्यक आहे. UPI पिन हा वापरकर्त्याने सेट केलेला चार किंवा सहा अंकी क्रमांक असतो. प्रत्येक पेमेंटसाठी पिन आवश्यक आहे. तुम्ही PhonePe(PhonePe), Paytm (Paytm) किंवा Google Pay (Google Pay) वापरत असलात तरीही, UPI पेमेंटसाठी पिन आवश्यक आहे.

UPI पिन कसा रीसेट करायचा

कोणताही ग्राहक Google Pay, BHIM आणि PhonePe सह सर्व UPI अॅप्सद्वारे त्याचा UPI पिन रीसेट करू शकतो. Google Pay अॅपवर UPI पिन रीसेट करायचे झाल्यास तुम्ही बँक खाते निवडून आणि येथे ‘Forgot UPI पिन’ पर्याय निवडून पिन बदलू शकता.

परंतु अशा प्रकारे पिन बदलण्यासाठी तुम्हाला डेबिट कार्डचे तपशील टाकावे लागतील. परंतु Paytm वर, वापरकर्ते त्यांच्या जुन्या पिनच्या मदतीने UPI पिन रीसेट करू शकतात.

पेटीएम वर पिन रीसेट करण्याची प्रक्रिया काय आहे 

  • पेटीएम अॅप उघडा आणि तुमच्या प्रोफाइल आयकॉनवर क्लिक करा.
  • येथे UPI आणि पेमेंट सेटिंग्ज पर्याय निवडा.
  • UPI आणि लिंक्ड बँक खाती मेनूवर जा.
  • तुमचे बँक खाते निवडा आणि पिन बदला टॅबवर जा.
  • “I remember my old UPI PIN” पर्याय दिसेल, त्यावर क्लिक करा आणि तुमचा जुना पिन प्रविष्ट करा.
  • आता तुमचा नवीन पिन टाका आणि बदल करण्याची परवानगी द्या. तुमचा पिन बदलला जाईल.