7th Pay Commission: केंद्र सरकारचे (central government) 65 लाखांहून अधिक कर्मचारी (employees) महागाई भत्त्यात वाढ होण्याची प्रतीक्षा करत आहेत. आता लवकरच त्यांची प्रतीक्षा संपणार आहे. नवरात्रीच्या (Navratri) निमित्ताने केंद्र सरकार कर्मचाऱ्यांना मोठी बातमी देऊ शकते.

या दिवशी डीए वाढवण्याची घोषणा होऊ शकते

नवरात्रीच्या मुहूर्तावर केंद्र सरकार केंद्रीय कर्मचाऱ्यांना मोठी बातमी देऊ शकते. मीडिया रिपोर्ट्सनुसार, नवरात्रीच्या निमित्ताने 28 सप्टेंबरला केंद्र सरकार महागाई भत्त्यात वाढ करण्याची घोषणा करू शकते. हे लक्षात घेण्यासारखे आहे की महागाई भत्त्यात ही वाढ 1 जुलै 2022 पासून देय होईल.

या दृष्टीने कर्मचाऱ्यांचा महागाई भत्ता लवकरच जाहीर झाल्यास सणासुदीच्या काळात कर्मचाऱ्यांचा आनंद द्विगुणित होईल. दिवाळीपूर्वी केंद्रीय कर्मचाऱ्यांच्या खात्यात वाढीव महागाई भत्त्यासह वेतन जमा होईल, म्हणजेच कर्मचाऱ्यांना वाढीव पगार मिळेल.

महागाई भत्ता इतका वाढेल

केंद्रीय कर्मचाऱ्यांना मिळणाऱ्या महागाई भत्त्याचे मूल्यमापन केंद्र सरकार दरवर्षी दोनदा करते आणि आवश्यकतेनुसार त्यात वाढ केली जाते. महागाई भत्त्यात वाढ अखिल भारतीय ग्राहक किंमत निर्देशांकावर (AICPI) अवलंबून असते.

एआयसीपीआय निर्देशांकात वाढ झाल्यास, महागाई भत्ताही वाढवला जातो. सध्या केंद्रीय कर्मचाऱ्यांना 34 टक्के दराने महागाई भत्ता दिला जात आहे. आता त्यात 4 टक्क्यांनी वाढ होऊ शकते. नवरात्रीच्या मुहूर्तावर केंद्र सरकारने महागाई भत्त्यात वाढ जाहीर केल्यास केंद्रीय कर्मचाऱ्यांना 38 टक्के दराने महागाई भत्ता मिळेल.