NEET परीक्षा ही भारतातील वैद्यकीय शिक्षणाची पहिली पायरी मानली जाते. या परीक्षेतून शासकीय कॉलेजमध्ये प्रवेश न मिळाल्यास अनेक पालक आणि विद्यार्थी खाजगी वैद्यकीय महाविद्यालयांचा पर्याय शोधतात. पण खाजगी कॉलेज निवडताना फक्त प्रवेशच नाही तर त्या संस्थेची गुणवत्ता, इतिहास आणि अभ्यासक्रमाचा दर्जाही महत्त्वाचा ठरतो. अशाच देशातील टॉप 5 खाजगी वैद्यकीय महाविद्यालयांची आपण या लेखात माहिती घेणार आहोत, जे उत्तम शिक्षणासह वैद्यकीय क्षेत्रात यशस्वी करिअरसाठी आदर्श आहेत.
ख्रिश्चन मेडिकल कॉलेज अँड हॉस्पिटल
वेल्लोर येथील ख्रिश्चन मेडिकल कॉलेज अँड हॉस्पिटल (CMC) ही संस्था केवळ भारतातच नव्हे तर संपूर्ण आशियात वैद्यकीय शिक्षणासाठी प्रसिद्ध आहे. याचे दोन स्वतंत्र कॅम्पस आहेत, मुख्य शहरात वेल्लोरमध्ये तर दुसरा बागायम येथे, जे एकमेकांपासून केवळ 7 किमी अंतरावर आहेत. या संस्थेचे वैद्यकीय सेवांमधील योगदान आणि संशोधन क्षेत्रातील कामगिरी उल्लेखनीय आहे.
एसडीएम मेडिकल कॉलेज
एसडीएम मेडिकल कॉलेज, धारवाड हे कर्नाटकमधील एक अत्यंत प्रतिष्ठित वैद्यकीय संस्था आहे. मंजुश्रीनगर परिसरात वसलेल्या या कॉलेजने शिक्षणाची आणि रुग्णसेवेची नवी व्याख्या उभी केली आहे. देशभरातून विद्यार्थी येथे प्रवेशासाठी स्पर्धा करतात, आणि तंत्रशुद्ध शिक्षणाची येथे खात्री असते.
महात्मा गांधी इन्स्टिट्यूट ऑफ मेडिकल सायन्से
महात्मा गांधी इन्स्टिट्यूट ऑफ मेडिकल सायन्सेस, सेवाग्राम, हे भारतातील पहिले ग्रामीण वैद्यकीय महाविद्यालय म्हणून ओळखले जाते. कस्तुरबा हेल्थ सोसायटीद्वारे चालवले जाणारे हे कॉलेज ग्रामीण आरोग्यसेवा आणि वैद्यकीय नैतिकतेवर भर देत असते. येथे MBBS व्यतिरिक्त MD, MS आणि डिप्लोमा अभ्यासक्रम देखील उपलब्ध आहेत.
त्रिची SRM मेडिकल कॉलेज
त्रिची SRM मेडिकल कॉलेज हॉस्पिटल अँड रिसर्च सेंटर, हे तामिळनाडूतील एक अग्रगण्य शिक्षण संस्था असून, डॉ. एमजीआर मेडिकल युनिव्हर्सिटीशी संलग्न आहे. शिक्षणासोबतच या संस्थेचा रिसर्च आणि क्लिनिकल ट्रेनिंगवर विशेष भर असतो, ज्यामुळे विद्यार्थी संपूर्ण तयारीनिशी बाहेर पडतात.
आर्मी कॉलेज ऑफ मेडिकल सायन्सेस
दिल्लीतील आर्मी कॉलेज ऑफ मेडिकल सायन्सेस (ACMS) हे गुरू गोविंद सिंग इंद्रप्रस्थ विद्यापीठाशी संलग्न असून, दरवर्षी 100 विद्यार्थ्यांना येथे MBBS अभ्यासक्रमासाठी प्रवेश दिला जातो. हे कॉलेज लष्करी कुटुंबातील विद्यार्थ्यांसाठी मोठी संधी असून, शिक्षणाबरोबरच शिस्तीचाही भाग येथे जोपासला जातो.
या पाचही महाविद्यालयांची फी रचना इतर खाजगी संस्थांच्या तुलनेत अधिक किफायतशीर असून, गुणवत्ता आणि भविष्याची हमी दोन्ही देतात. नीट परीक्षा दिल्यानंतर जर सरकारी कॉलेजमध्ये प्रवेश नसेल मिळाला, तरीही या संस्था एक अत्यंत चांगला पर्याय ठरू शकतात.
