Milk Rates : श्रीगोंदा तालुका व श्रीगोंदा शहर दूध उत्पादक संघर्ष समितीच्या वतीने रविवारी (दि.१९) रोजी येथील महात्मा फुले सर्कल, या ठिकाणी दुध दरवाढीसाठी रास्ता रोको आंदोलन करण्यात आले.
या वेळी दूधउत्पादक शेतकऱ्यांनी आपल्या तीव्र भावना व्यक्त केल्या. पिण्याच्या पाण्याची बाटली २० रुपयांना विकली जात असताना एक लिटर दुधाचा भाव २५ रुपये आहे. एकंदरीत दूध उत्पादनाचा खर्च पाहता
शेतकऱ्यांच्या हातामध्ये काहीच शिल्लक राहत नसल्याचे सांगत प्रत्येक व्यापाऱ्याला त्याच्या मालाचा भाव ठरवण्याचा अधिकार, मात्र शेतकऱ्याने उत्पादित केलेल्या त्याच्या कुठल्याही मालाचा भाव त्याला ठरवता येत नसल्याची खंत व्यक्त केली.
सुमारे दोन तास रास्ता रोको आंदोलन करत दुधाला भाव वाढ मिळावी, यासाठी प्रशासनाला निवेदन देत मागण्या मान्य न झाल्यास श्रीगोंदा तालुक्यातून एकही दुधाचा टँकर तालुक्याबाहेर जाऊ देणार नसल्याचा इशारा देत आंदोलन आणखी तीव्र करण्याचा इशारा सरकारला दिला.
या वेळी दूधउत्पादक शेतकरी, दूध उत्पादक संघर्ष समितीचे कार्यकर्ते, घनश्याम शेलार, टिळक भोस, राजेंद्र म्हस्के, एम.डी. शिंदे, सुधीर खेडकर, नगरसेवक संतोष कोथिंबिरे, प्रशांत गोरे, सतीश मखरे, प्रदीप लोखंडे,
मंगेश मोटे, सागर रसाळ, अवधुत जाधव, राहुल वडवकर, अरविंद कापसे, दिलीपराव लबडे, नानासाहेब शिंदे, गोरख आळेकर, बंटीदादा बोरुडे, विनोद होले, सोनू कोथिंबिरे, समीर कोथिंबिरे यांच्यासह अनेक जण उपस्थित होते.