Ahmednagar News :मित्राला वापरायला दिलेला होम थिएटर परत मागितल्याचा राग आल्याने त्याच मित्राने कटरचे वार करीत, डोक्यात दांडक्याने मारून गंभीर जखमी केलेल्या तरुणाचा लोणी येथील रुग्णालयात उपचार सुरू असताना मृत्यू झाला. रमेश गायकवाड असे खून झालेल्याचे नाव आहे. गोंधवणी परिसरात हा सिनेस्टाईल थरार घडला.
आपल्या आयुष्यात एक मित्र अथवा मैत्रीण नेहमीच असा असतो ज्याला आपण आपल्या सगळ्या गोष्टी सांगत असतो आणि त्याच्याबरोबर आपली सुख आणि दु:ख वाटून घेत असतो. त्या आपल्या मित्र अथवा मैत्रीणीचं आपल्या आयुष्यात स्थानच वेगळे असते.
त्यांच्यासाठी आपण काहीही करायला तयार असतो.
प्रत्येकाच्या आयुष्यात मैत्रीचा एक वेगळा अर्थ असतो. काहीही न सांगता एकमेकांना समजून घेणं म्हणजे मैत्री. मात्र या घटनेने मैत्रीच्या नात्याला काळिमा फसला आहे.
श्रीरामपूर शहरानजीक गोंधवणी, वॉर्ड नं.१ येथील रहिवासी रमेश गायकवाड याने आकाश बबन ढमके ऊर्फ डंग्या (रा. गोंधवणी) याला स्वतःचा होम थिएटर व स्पीकर वापरण्यास दिला होता.
आकाश नेहमी रमेशच्या घरी येत असे. होम थिएटर पसंत पडल्याने रमेशने त्याला तो वापरण्यास दिला होता. बऱ्याच दिवसांनंतर आकाश दिसल्यानंतर रमेशने त्याला होम थिएटर व स्पीकर मागितला असता, ‘आकाशने स्पीकरबाबत मला काही विचारायचं नाही, माझ्या नादी लागायचे नाही,’ असे म्हणत धमकी देत कटरने रमेश याच्या अंगावर वार केला.
डोक्यात दांड्याने बेदम मारहाण करून त्याचा खून करण्याचा प्रयत्न केला. रमेशचा चुलत भाऊ शेखर राजू गायकवाड हा मित्राचा वाढदिवस असल्याने तेथून जवळच असल्याने तो मदतीस घावला. चुलत भाऊ रमेशला जखमी अवस्थतेत श्रीरामपूर येथील साखर साखर कामगार रूग्णालय व नंतर लोणी येथे उपचारासाठी नेले, मात्र प्राथमिक उपचारानंतर लोणी येथे प्रवरा ग्रीन रुग्णालयात उपचार सुरू असताना रमेश गायकवाड याचा मृत्यू झाला.
रमेश याचा चुलत भाऊ शेखर गायकवाड याच्या फिर्यादीवरून पोलिसांनी आकाश बबन दमके ऊर्फ डंग्या याच्या विरोधात खुनाचा गुन्हा दाखल करण्यात आला आहे.
