१० फेब्रुवारी २०२५ अहिल्यानगर : सिद्धार्थनगर मधील हिंदू महिलांवर नागापूर कॉटेज कॉर्नर परिसरामध्ये काही जिहादी लोकांनी अमानुषपणे मारहाण केली. या महिला दिवसभर कष्ट करून उदरनिर्वाह करत असतात.काम केले तरच संध्याकाळची चूल पेटत असते,अशा हिंदू महिलांना त्यांची जात पाहून जिहादी लोकांकडून अमानुषपणे मारहाण करण्याचे काम केले आहे.हिंदू महिलांवर हात उचलणाऱ्यांची गय केली जाणार नाही,असा इशारा आमदार संग्राम जगताप यांनी दिला.
सिव्हिल हॉस्पिटल येथे जाऊन महिलांच्या तब्येतीची विचारपूस करत घटनेची माहिती घेत तोफखाना पोलीस स्टेशनचे पोलीस निरीक्षक यांची भेट घेऊन बाकीचे आरोपी तातडीने अटक करून महिलांना झालेल्या मारहाणीनुसार ३०७ चे कलम लावण्याची मागणी केली आहे.सिद्धार्थ नगर मधील हिंदू महिलांना झालेल्या मारहाणी बाबत आमदार संग्राम जगताप यांनी सिव्हिल हॉस्पिटल येथे जाऊन भेट घेत विचारपूस केली.
यावेळी कार्यकर्ते मोठ्या संख्येने उपस्थित होते. दरम्यान सिविल हॉस्पिटलच्या अनागोंदी कारभारामुळे लालटाकी येथील एकाचा उपचारादरम्यान मृत्यू झाला आहे. त्याला वेळेवर उपचार मिळाले नाही आदल्या दिवशी घशाच्या त्रासाने हॉस्पिटलमध्ये ॲडमिट करण्यात आले होते.
रुग्णांवर उपचारा दरम्यान दिरंगाई होते या ठिकाणी आधुनिक तंत्रज्ञानाचे मशिनरी असून देखील रुग्णांना त्याचा उपयोग होताना दिसत नाही.सर्वसामान्य कुटुंबातील रुग्णांना चांगल्या दर्जाच्या आरोग्यसेवा मिळणे गरजेचे आहे.यासाठी प्रशासनाला उपाययोजना करण्याच्या सूचना यावेळी आमदार संग्राम जगताप यांनी दिल्या.
