अहमदनगर ब्रेकींग: टेम्पोची दुचाकीला धडक; पत्नीचा मृत्यू, पती जखमी

अहमदनगर Live24 टीम, 11 डिसेंबर 2021 :- लग्नासाठी चाललेल्या पती-पत्नीच्या दुचाकीला आयशर टेम्पोने धडक दिली. या धडकेत पत्नीचा मृत्यू झाला असून पती जखमी झाले आहे. यशोदा मच्छिंद्र शिरोळे (वय 53 रा. मातापूर ता. श्रीरामपूर) असे मयत पत्नीचे नाव आहे.

त्यांचे पती मच्छिंद्र शिरोळे जखमी झाले आहे. अहमदनगर-पुणे महामार्गावरील केडगाव शिवारात शुक्रवारी सायंकाळी हा अपघात झाला.

याप्रकरणी कोतवाली पोलीस ठाण्यात नोंद करण्यात आली असल्याची माहिती पोलीस अंमलदार गणेश धोत्रे यांनी दिली. शिरोळे पती-पत्नी नातेवाईकांच्या लग्नासाठी दुचाकीवरून जात असताना केडगाव शिवारात त्यांच्या दुचाकीला आयशर टेम्पोने धडक दिली.

या धडकेत जखमी झालेल्या यशोदा यांच्या मृत्यू झाला आहे. तर मच्छिंद्र शिरोळे जखमी झाले आहे. त्यांना अहमदनगर शहरातील एका खासगी रूग्णालयात उपचारासाठी दाखल करण्यात आले आहे. पुढील तपास कोतवाली पोलीस करत आहे.

• अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
• फेसबुक । ट्विटर । टेलिग्राम । युट्युब। गुगल न्यूज । इंस्टग्राम