अहमदनगर Live24 टीम, 11 फेब्रुवारी 2022 :- भरधाव वेगात मनमाडकडे जाणाऱ्या कंटेनरने मुंबईकडे जाणाऱ्या व्हॅनला जोराची धडक दिली. हा अपघात एवढा भिषण होता की अपघात होताच व्हॅन पेटली व व्हॅनमधील सहा जखमींना जवळच असलेल्या
हॉटेलच्या कर्मचाऱ्यांनी दरवाजे तोडून बाहेर काढले अन्यथा मोठा अनर्थ झाला असता. ही घटना कोपरगाव शहरालगत नगर-मनमाड महामार्गावर पुणतांबा चौफुलीवर घडली.
या अपघातात एकूण सहाजण जखमी झाले असूनयापैकी चार महिला गंभीर जखमी आहेत. याबाबत पोलीसांनी दिलेली माहितीनुसार, पुणतांबा चौफुलीवर (एचआर ५५ एएफ ८२४३) हा कंटेनर नगरहुन मनमाडकडे भरधाव वेगाने जात असताना
(एमएच ०३ एई ५२७७) या मुंबईकडे जात असलेल्या मारुती व्हॅनला जोराची धडक दिली. यात साहेबराव लक्ष्मण बेंदुरे, रोहिदास दशरथ पानमंद, स्मिता संदीप मुंडारे, सुनिता संतोष पानमंद, अनिता राम साळुंके, संगिता साहेबराव बेंदुरे (सर्व रा. दहिसर, मुंबई) हे जखमी झाले.
यातील चार महिला गंभीर जखमी असून अपघात होताच कंटेनर चालक महंमद युसूफ अली (रा. रामपूर, ता. रुडकी, हरिद्वार, उत्तराखंड) हा पळून गेला आहे.
अपघात होताच जवळच असलेल्या हॉटेलमधील कर्मचाऱ्यांनी तातडीने धाव घेत, गाडीचे दरवाजे तोडीत जखमींना बाहेर काढले. गाडीने पेट घेतला होता. त्यामुळे पुढील अनर्थ टळला.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम