Ahmednagar News : अहमदनगर जिल्हा सध्या अनेक बाबतीत प्रगती करू लागला आहे. जिल्ह्यात नुकत्याच तीन एमआयडीसीना मंजुरी मिळाली आहे.
आता अहमदनगर जिल्ह्यासाठी आणखी एक खुशखबर आहे. जिल्ह्यातील पारनेर तालुक्यातील करंदी येथे लोकर प्रक्रिया केंद्र निर्माण होणार आहे.
हे केंद्र स्थापन करण्यास कृषी आणि पशुसंवर्धन विभागाने मान्यता दिली आहे. याबाबतचे परिपत्रक काल उपसचिव नि.भा. मराळे यांच्या सहीने जारी झाले आहे.
या प्रकल्पामुळे मेंढपाळांचे उत्पन्न वाढण्यास मदत होणार आहे. नगर जिल्ह्यात सर्वाधिक सुमारे ३ लाख मेंढ्यांची संख्या आहे. पारनेरातील करंदी येथे गट नं १२२२ मधील ३ हेक्टर जमिन या प्रकल्पासाठी उपलब्ध करून देण्यात आली आहे. आता या जागेवर ‘लोकर प्रक्रिया केंद्र’ स्थापन करण्यास मान्यता दिली आहे.
पुण्यश्लोक अहिल्यादेवी महाराष्ट्र मेंढी व शेळी विकास महामंडळाने या जागेवर लोकर प्रक्रिया केंद्रासाठी इमारत आराखडा, मशीनरी, मनुष्यबळ व फर्निचर या बाबींसाठी येणाऱ्या खर्चाचा सविस्तर तपशिलासह प्रकल्प अहवाल निधीच्या स्त्रोतासह प्रस्ताव शासन मान्यतेसाठी सादर करण्याचे निदेश दिले आहेत.
त्यामुळे या प्रकल्पाच्या कामाला वेग येणार आहे. मेंढ्यांना लोकर ही निसर्गाने दिलेली देणगी आहे. या लोकरमध्ये नैसर्गिक फायबर आहे.
थर्मल, रेग्युलेशन, फ्लेम रेझिस्टन्स, चांगले ध्वनीशास्त्र असे अद्वितीय गुणधर्म आहेत. लोकरचा वापर कपड्यांपासून बांधकाम उद्योगांपपर्यंत आणि तांत्रिक कापडाच्या अनेक क्षेत्रात केला जातो.
महाराष्ट्रात सुमारे ३० लाख संख्या असून मेंढ्यांपासून दरवर्षी अंदाजे ९८०० मेट्रिक टन लोकरीचे उत्पादन होते. लोकरपासून विविध उत्पादने विकसचित केली जाऊ शकतात तसेच या लोकरपासून योगा चटई आणि रजाई यासारखी मूल्यवर्धित वूल फेल्ड उत्पादने मिळू शकतात.
लोकर प्रक्रिया उद्योगांची निर्मिती केल्याने मेंढीपालन समुदायाचे उत्पन्न वाढण्यास मदत होईल आणि ग्रामीण भागातील शहरांकडे होणारे स्थलांतर कमी होईल.
- अहमदनगर ब्रेकिंग : विवेक कोल्हे लढविणार ही मोठी निवडणूक ! आमदार होणार ?
- SUV खरेदी करणाऱ्यांसाठी महत्त्वाची बातमी ! महिंद्रा कंपनीने ‘या’ कारच्या किमतीत केली मोठी वाढ
- 50 रुपयांची गुंतवणूक तुम्हाला बनवणार लखपती ! गुंतवणूकदार अवघ्या 60 महिन्यात होणार मालामाल, कशी आहे योजना ?
- Ahmednagar Breaking : मेहेरबाबा समाधी दर्शनासासाठी गेलेल्या मुलीसोबत टोळक्याचे नको ते कृत्य, वडील, चुलते व भावांनाही बेदम मारले, अहमदनगरमधील घटना
- Ahmednagar Breaking : अर्बन बँक प्रकरणातील आरोपी वाढणार, थेट पोलीस उपअधिक्षकांची बँकेत येत अवसायकाशी चर्चा, ‘ती’ बडी मंडळी लवकरच जेलमध्ये?