Pune Railway News : राज्यातील रेल्वे प्रवाशांसाठी एक अतिशय महत्त्वाची आणि मोठी आनंदाची बातमी समोर येत आहे. खरतर उद्यापासून दीपोत्सवाला सुरुवात होणार आहे. दीपोत्सवाचा सण हा भारतात मोठ्या आनंदात साजरा होत असतो. दीपोत्सव अर्थातच दिवाळीला दरवर्षी कामानिमित्त बाहेरगावी असणारे लोक आपल्या मूळ गावाकडे परतत असतात. यंदाही मोठ्या प्रमाणात जनता आपल्या मूळ गावाला जाणार आहे.
त्यामुळे रेल्वेने प्रवास करणाऱ्यांची संख्या या काळात मोठ्या प्रमाणात वाढत असते. यंदाही दिवाळीच्या काळात गावी जाणारे प्रवासी रेल्वेने प्रवास करण्याचा प्राधान्य दाखवणार आहेत. दरम्यान, या कारणामुळे रेल्वेमध्ये अतिरिक्त गर्दी होण्याची शक्यता आहे.
आता याच अतिरिक्त गर्दीच्या पार्श्वभूमीवर रेल्वे विभागाच्या माध्यमातून नवनवीन रेल्वे गाड्या सुरू केल्या जात आहेत. पुणे ते दानापुर दरम्यानही रेल्वे प्रशासनाने विशेष एक्सप्रेस ट्रेन चालवण्याची घोषणा केली आहे. दरम्यान आता आपण या अनारक्षित विशेष एक्सप्रेस गाडीचे संपूर्ण वेळापत्रक जाणून घेणार आहोत.
कसं राहणार वेळापत्रक?
रेल्वे प्रशासनाने दिलेल्या माहितीनुसार पुणे दानापुर पुणे अनारक्षित विशेष गाडी २८ ऑक्टोबरला पुणे येथून १०:५० वाजता रवाना होणार आहे. पुढे दुसऱ्या दिवशी दानापूर येथे २१:३० वाजता पोहोचणार आहे. तसेच ही विशेष गाडी २९ ऑक्टोबर रोजी दानापूर येथून २३:५० वाजता सुटणार आहे आणि तिसऱ्या दिवशी पुणे येथे ०९:५५ वाजता पोहोचणार आहे.
कोण कोणत्या रेल्वे स्थानकावर थांबणार
रेल्वे प्रशासनाने दिलेल्या माहितीनुसार ही विशेष काडी राज्यातील अनेक महत्त्वाच्या रेल्वे स्थानकावर थांबा घेणार आहे. ही ट्रेन दौंड कॉर्ड लाइन, अहमदनगर, कोपरगाव, मनमाड, भुसावळ, खंडवा, इटारसी, जबलपूर, सतना, माणिकपूर, प्रयागराज छिवकी, दीनदयाल उपाध्याय जंक्शन, बक्सर आणि आरा येथे थांबा घेणार अशी माहिती प्रशासनाकडून समोर आली आहे.