अहमदनगर Live24 टीम,28 ऑक्टोबर 2020 :- श्रीरामपुर तालुक्यातील हरेगाव येथे २० ऑक्टोबर रोजो रात्री ८.३० वा.एका तरूणावर धारदार चाकूने वार करण्याचा प्रकार घडला.
याप्रकरणी शाहरुख मोहम्मद पठाण, वय २७, धंदा ड्रायव्हर, रा. शिरसगाव, ता. श्रीरामपूर याने काल श्रीरामपूर तालुका पोलिसात फिर्याद दिल्यावरुन आरोपी आदित्य गवारे, पूर्ण नाव माहीत नाही, रा. शिरसगाव याच्याविरुद्ध गुन्हा दाखल करण्यात आला.
शाहरुख पठाण याने फिर्यादीत म्हटले आहे की, आरोपी आदित्य गवारेची मैत्रीणीस हरेगाव येथे सोडविण्यास गेला असता पावसामुळे त्यांना पोहचण्यास उशीर झाल्याने आरोपी आदित्य गवारे याने पठाण याच्या पोटावर, उजव्या हातावर, कमरेखाली चाकूने वार करुन जखमी केले.
शिवीगाळ करत तू जर पोलीस केस केली तर तुला छेडछडीच्या गुन्ह्यात गुंतविल, अशी धमकी दिली, असे फिर्यादीत म्हटले असुन डॉ. बाबासाहेब आंबेडकर पुतळ्याजवळ रस्त्यावर हरेगाव येथे हा चाकूने वार करण्याचा प्रकार घडला. पोनि मसूद खान यांनी घटनास्थळी भेट दिली. हेका बडे हे पुढोल तपास करीत आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved