अहमदनगर Live24 टीम, 20 डिसेंबर 2020 :- आपण अनेक अडचणीत सापडलेल्या लोकांच्या कथा ऐकल्या असतील कि ज्यांनी त्याही परिस्थितीवर मात करत आपले जीवन यशस्वी बनवले. आजही आपण अशीच एक प्रेरणादायी कहाणी पाहणार आहोत.
आजची कहाणी आहे राजकोट येथील रुखसाना हुसेन यांची. रुखसाना हुसेन यांना चायवाली म्हणून ओळखले जाते. इयत्ता 12 वी पर्यंत शिकलेली रुखसाना द चायवाली या नावाने चहाचा स्टॉल चालविते. यापूर्वी ती निबंधक कार्यालयात संगणक ऑपरेटर होती. दोन वर्षांपूर्वी त्यांनी आपली नोकरी सोडली आणि चहाचा स्टॉल सुरू केला.
आज रुखसाना तंदुरी चहा बनविण्यात तज्ज्ञ आहेत. आता ती दररोज 1 हजार रुपयांचा चहा विकते. जेव्हा रुखसाना रजिस्ट्रारच्या कार्यालयात काम करायची तेव्हा तिचे मासिक वेतन चार हजार रुपये होते.
या पगारामध्ये स्वतःचे आणि घरातील खर्च काढणे खूप कठीण होते. पण, आता या स्टॉलमधून तिला दरमहा 15,000 पेक्षा जास्त उत्पन्न मिळत आहे. दररोज फक्त चार तासांत ती 500 रुपयांहून अधिक कमावते.
रुखसाना सांगते- मी लहानपणापासूनच घरी चहा बनवत आहे. घरातल्या प्रत्येकाला माझ्या हाताचा चहा इतका आवडतो की मला फक्त चहा बनवायला सांगितले जाते. यामुळे, बर्‍याचदा मी विचार करत असे की मी रेस्टॉरंट का उघडू नये? तथापि, रेस्टॉरंट उघडण्यासाठी पैसे नव्हते, म्हणून छोट्या केबिनमधून काम सुरू केले.
पुढे जाऊन मी एक रेस्टॉरंट नक्कीच उघडेल. या व्यवसायाला सुरवातीला घरच्यांनी खूप विरोध केला परंतु मी माझे प्रयत्न आणि जिद्द कायम ठेवली. आणि आज माझा हा व्यवसाय उत्तम सुरु आहे.
रुखसानाचा तंदुरी चहा खास आहे कारण त्यासाठी ती सिक्रेट मसाले वापरते. स्मोकी फ्लेवर चहाचा हा मसाला ती स्वतः तयार करते. मातीच्या भांड्यात मिळणारा गरम चहा लोकांना खूप आवडतो. गरम चहा मातीच्या भांड्यामधे देत असल्याने ते चहा पार्सल करत नाहीत. रुखसाना सांगते की सुरुवातीला एक मुलगी चहाचे दुकान चालवते हे विचित्र वाटले कारण बहुतेक हे काम मुले करतात.
पण आज बरेच ग्राहक माझे कौतुक करतात आणि प्रोत्साहित करतात. माझ्या बनवलेल्या चहाचे कौतुक करतात. मी दररोज संध्याकाळी 5.30 वाजता चहाचा स्टॉल उघडते आणि रात्री 9 वाजेपर्यंत काम करते. आता बरेच नियमित ग्राहक आहेत, ज्यांना दुकान उघडण्याची आणि बंद करण्याची वेळ माहित आहे.
या चहाबद्दल बर्‍याच ग्राहकांनी सोशल मीडियावरही अनेक पोस्ट केल्या आहेत. आता मी या व्यवसायातून खुश असून पुढे जाऊन एक रेस्टोरंट सुरु करण्याचा विचार आहे असे रुखसाना म्हणतात.