अहमदनगर Live24 टीम, 09 डिसेंबर 2020 :-जिल्ह्यात अपघातांचे सत्र कायम आहे. यामुळे दरदिवशी प्राण गमावणाऱ्यांची संख्या देखील वाढत आहे. नुकताच असाच एक अपघात जिल्ह्यात घडला आहे.
नगर दौंड रस्त्यावरील पवार वाडीजवळ बुधवारी सकाळी 11 च्या सुमारास ट्रक व मोटारसायकलची समोरासमोर धडक होवून झालेल्या अपघातात लोणीव्यंकनाथ येथील चौघांचा मृत्यु झाला आहे.
याबाबत अधिक माहिती अशी कि, राज विठ्ठल पवार, विशाल संतोष सोनवणे, बाजीराव बरकडे व प्रतिक नरसिंग शिंदे हे चौघे जण मोटारसायकलवरून लोणीव्यंकनाथ गावाकडे जात होते. पवारवाडीनजीक उसाच्या ट्रॅक्टरला ओव्हर टेक करत असताना नगरकडून सातार्‍या कडे जाणार्‍या ट्रकने त्यांना जोराची धडक दिली.
या अपघातात राज विठ्ठल पवार, विशाल संतोष सोनवणे, बाजीराव बरकडे हे जागीच ठार झाले. ग्रामस्थांनी ट्रक चालकाला पकडून पोलीसांच्या ताब्यात दिले. पोलीस निरीक्षक रामराव ढिकले यांनी पोलिसांची टिम अपघातस्थळी रवाना केली आहे.