अहमदनगर Live24 टीम, 19 डिसेंबर 2020 :-महिला छळाच्या घटनांमध्ये वाढ होत आहे. जिल्ह्यात घडणाऱ्या या घटनांमुळे महिलांचे अस्तित्वच धोक्यात येऊ लागले आहे. दरम्यान जिल्ह्यातील पाथर्डी तालुक्यात एक अत्यंत धक्कादायक घटना घडली आहे.
चक्क देवस्थानच्या भक्तनिवासात नेऊन एका तरुणीवर अत्याचार केल्याची घटना उघडकीस आली आहे. याप्रकरणी पिडीत तरुणीच्या फिर्यादीवरून अशोक मोहिते याच्याविरोधात पाथर्डी पोलीस ठाण्यात गुन्हा दाखल केला आहे.
पोलिसांनी अशोक अण्णा मोहिते याच्याविरुद्ध बलात्कारचा गुन्हा दाखल केला असून आरोपी मोहितेला अटक केली आहे. याबाबत समजलेली माहिती अशी कि,
पाथर्डी येथील इंदिरानगर भागातील एका वीस वर्षीय तरुणीला लग्न करण्याचे आमिष दाखवले आणि एका देवस्थानच्या भक्त निवासात नेऊन तिच्यावर अत्याचार करण्यात आले. कोणाला सांगितल्यास तुला जीवे ठार मारीन अशी धमकी देण्यात आली.
पिडीत तरुणीने दि.17 डिसेंबर 2020 रोजी पोलिसांत तक्रार दिल्याने मोहिते याला अटक करण्यात आली आहे. अधिक तपास सहायक पोलीस निरीक्षक दिलीप राठोड हे करीत आहेत.