dhadak
रेल्वे गाडीची धडक बसून एकाचा मृत्यू झाल्याची घटना निंबळक शिवारात गुरुवारी (दि.२५) सायंकाळी घडली. गौतम रामदास भोसले (वय ४०, रा. खारे कर्जुने, ता.नगर) असे मयताचे नाव आहे.
गौतम भोसले हे निंबळक शिवारात असलेल्या रेल्वे गेट जवळ रेल्वे मार्गा शेजारी गुरुवारी सायंकाळी जखमी अवस्थेत आढळून आले. त्यांना त्यांचा नातेवाईक सोन्या सुनिल पाचारणे (रा. वडगाव गुप्ता) याने सायंकाळी ७.३० च्या सुमारास उपचारासाठी जिल्हा शासकीय रुग्णालयात दाखल केले.
मात्र तेथील मेडिकल ऑफिसर डॉ. बटूळे यांनी त्यांना उपचारापूर्वीच मयत घोषित केले. याबाबतची माहिती दवाखाना ड्युटीवर असलेले तोफखाना पोलिस ठाण्यातील स.फौ. जठार यांनी एमआयडीसी पोलिसांना कळविली.
त्यावरून पोलिसांनी आकस्मात मृत्यूची नोंद केली आहे. पुढील तपास पोलीस करीत आहे.