file photo
अहमदनगर Live24 टीम, 31 जानेवारी 2022 :- नोकरदाराचे घरफोडून 29 हजार रूपयाची रोकड व दोन मोबाईल असा ऐवज अज्ञात चोरट्यांनी चोरून नेला. नगर शहरातील गुलशन पार्क जवळील राजमाता कॉलनीत ही घटना घडली.
याप्रकरणी तोफखाना पोलीस ठाण्यात घरफोडीचा गुन्हा दाखल करण्यात आला आहे. संघर्ष मारूती साळवे (वय 42 रा. गुलशन कॉलनी, नगर) यांनी फिर्याद दिली आहे.
फिर्यादी त्यांचे घर बंद करून झोपलेले असताना पहाटे अज्ञात चोरट्यांनी त्यांच्या घराचे दरवाजाचा कडीकोयंडा तोडून आत प्रवेश केला.
घरात ठेवलेली 29 हजार रूपयांची रोकड व दोन मोबाईल असा ऐवज चोरून नेला असल्याचे फिर्यादीत म्हटले आहे. पुढील तपास पोलीस हवालदार जपे करीत आहे.