अहमदनगर Live24 टीम ,27 जून 2020 : देशसेवा करणाऱ्या सैनिकांच्या पत्नीबद्दल अपशब्द वापरणारी अभिनेत्री एकता कपूर हिचा श्रीगोंद्यातील आजी, माजी सैनिकांनी निषेध केला.
श्रीगोंदा तहसील कार्यालयासमोर सैनिकांनी एकता कपूरच्या प्रतिकात्मक प्रतिमेला जोडे मारून तिचा निषेध केला.त्रिदल सैनिक संघटनेच्या पदाधिका-यांनी अप्पर तहसीलदार चारुशीला पवार यांना विविध मागण्याचे निवेदन दिले.
अभिनेत्री एकता कपूरने सैनिकांच्या पत्नीबाबत अपशब्द वापरून भारतीय सैनिकांचा अपमान केला आहे. एकता कपूरचा पद्मश्री पुरस्कार काढून घ्यावा.
अन्यथा देशभर आजी, माजी सैनिक आंदोलन उभे करण्याच्या तयारीत आहेत, असे त्रिदल सैनिक संघटनेचे प्रदेशाध्यक्ष संदीप लगड यांनी सांगितले.
यावेळी संदीप सांगळे, संतोष जाधव मेजर, शरद म्हस्के, महेंद्र जगदाळे, श्रीमती सुजाता संतोष जाधव, संपत शिररसाठ, शिवाजी कुदांडे, सुरेश निभोंरे, उध्दव खामकर सोमनाथ गावडे आदि सैनिक उपस्थित होते.
अहमदनगर Live24 वर तुमच्या बातम्या / माहिती तसेच जाहिरातीसाठी संपर्क करा ahmednagarlive24@gmail.com
जॉईन व्हा आमच्या फेसबुक ग्रुपमध्ये
https://www.facebook.com/groups/Ahmednagarlivenews