ऑक्टोबरमधील अतिवृष्टीने तब्ब्ल ‘इतकी’ गावे बाधित; ‘इतक्या’ कोटींचा फटका

अहमदनगर Live24 टीम,28 ऑक्टोबर 2020 :- राज्यातील कोकण, मध्य महाराष्ट्र आणि मराठवाड्यात अनेक ठिकाणी ऑक्टोबर महिन्यात जोरदार पाऊस पडला. बंगालच्या उपसागराच्या पश्चिम मध्य भागात कमी दाबाचा पट्टा निर्माण झाल्याने तेलंगणा, आंध्रप्रदेश, कर्नाटक व महाराष्ट्रात अतिवृष्टी झाली. याचा परिणाम अहमदनगर जिह्यावरही मोठ्या प्रमाणात झाला .

या पावसाने जिल्ह्यातील 11 तालुक्यांतील 2 लाख 30 हजार शेतकर्‍यांचे 156 कोटी रुपयांचे नुकसान झाले आहे. या पावसामुळे 1 लाख 64 हजार क्षेत्रावरील पिकांचे 33 टक्क्यांपेक्षा अधिक नुकसान झाले आहे. जिल्हा प्रशासनाच्यावतीने करण्यात आलेल्या

पंचनाम्यात जिल्ह्याच्या जिरायत भागातील 1 लाख 27 हजार शेतकर्‍यांचे 99 हजार 856 हेक्टरवरील पिकांचे नुकसान झाले असून यासाठी 67 कोटी 97 लाख रुपयांचे नुकसान झालेले आहे. बागायत भागातील 98 हजार शेतकर्‍यांचे 61 हजार 566 हेक्टरवरील 83 कोटी रुपयांचे नुकसान झालेले आहे.

तर 2 हजार 735 हेक्टरवरील 3 हजार 881 शेतकर्‍यांचे सुमारे पाच कोटी रुपयांचे नुकसान झालेले आहे. कांदा, तूर, कापूस सोयाबीन, भाजीपाला, मका फळबागा, झेंडू, चारापिके, ऊस, ज्वारी बाजरी, केळी आणि पपई यांच्या बागा या पिकांचे मोठे नुकसान झालेले आहे.

 तालुकानिहाय नुकसान पाथर्डी

• 134 गावे, 58 हजार 776 शेतकरी आणि 49 हजार 673 बाधित क्षेत्र.
• नेवासा 127 गावे, 43 हजार 246 शेतकरी आणि 25 हजार 864 बाधित क्षेत्र.
• संगमनेर 168 गावे, 22 हजार 726 शेतकरी आणि 17 हजार 112 बाधित क्षेत्र.
• श्रीरामपुर 54 गावे, 11 हजार 261 शेतकरी आणि 7 हजार 478 बाधित क्षेत्र.
• अकोले 146 गावे, 7 हजार 15 शेतकरी आणि 2 हजार 115 बाधित क्षेत्र.
• नगर 42 गावे, 5 हजार 987 शेतकरी आणि 3 हजार 59 बाधित क्षेत्र.
• कर्जत 84 गावे, 39 हजार 374 शेतकरी आणि 25 हजार 112 बाधित क्षेत्र.
• राहाता 12 गावे, 439 शेतकरी आणि 294 बाधित क्षेत्र.
• शेवगाव 72 गावे, 36 हजार 252 शेतकरी आणि 31 हजार 60 बाधित क्षेत्र.
• कोपरगाव 9 गावे, 205 शेतकरी आणि 110 बाधित क्षेत्र.
• श्रीगोंदा 15 गावे, 4 हजार 993 शेतकरी आणि 2 हजार 248 बाधित क्षेत्र.

अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved