अहमदनगर Live24 टीम,31ऑक्टोबर 2020 :- राज्यातील अनेक साखर कारखान्याचे गळीत हंगाम सुरू झाले आहेत. त्यामुळे ऊसतोड कामगारांची आपला पसारा घेऊन निघण्याची लगबग सुरू झाली असते.
मात्र अशाच एक ऊसतोड कामगाराना घेऊन जाणाऱ्या टेम्पोला अपघात झाल्याची घटना जिल्ह्यातील पाथर्डी तालुक्यात घडली आहे. पाथर्डी तालुक्यातील करोडी येथे शुक्रवारी रात्री साडे अकराच्या सुमारास हा अपघात झाला.
या अपघातात टेम्पो मध्ये असलेल्या एका बैलाचा जागेवरच मृत्यू झाला तर दुसरा बैल जखमी झाला. याबाबत समजलेली अधिक माहिती अशी कि,
रुपनरवाडी येथील बाळू रुपनर हे ऊसतोड कामगार पुणे जिल्ह्यातील ‘विघ्नहर’ साखर कारखान्याला जात असताना अपघात होऊन टेम्पो पलटी झाला. यातील दोन बैलांपैकी एक जागेवरच मृत पावला तर दुसऱ्या बैलाचे शिंग मोडले आहे.
तसेच या अपघातात टेम्पोत असलेले कामगार बाळू आणि त्यांचा मुलगा जखमी होऊन पत्नीचा हात फ्रॅक्चर झाला आहे. यात ऊसतोड कामगाराचे आर्थिक नुकसान झाले आहे. अशावेळी कामगारांना झालेली नुकसान भरपाई मुकादम किंवा साखर कारखाना यांच्याकडून मदतीची अपेक्षा असते.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved