अहमदनगर :- पुण्याहून नगरकडे येणाऱ्या दुचाकीस्वारास चौघांनी अडवून मारहाण करत त्याच्याकडील रोख रक्कम, मोबाइल व सोनसाखळी असा सुमारे ५८ हजार रुपयांचा ऐवज चोरट्यांनी लांबवला.
१८ मे रोजी मध्यरात्री अडीचच्या सुमारास ही घटना घडली. योगानंद स्वामीराव हत्तरके (राहणार मल्लिकार्जुन नगर, हत्तुरे वस्ती सोलापूर, हल्ली मुक्काम बडेचाळ, आकाशनगर, पुणे) हे नगरकडे येत असताना चास शिवारात इंडियन ऑईल पेट्रोलपंपाजवळ अरुण घुगे, कृष्णा व अन्य दोन अनोळखी व्यक्तींनी त्यांना मारहाण करून त्यांच्याकडील ऐवज लंपास केला.