‘ते’ बनावट डिझेल प्रकरण ;राहुरी केंद्रबिंदू आणि मोठे मासे गळाला ?

अहमदनगर Live24 टीम, 1 नोव्हेंबर 2020 :-मागील आठवड्यात शहरातील जीपीओ चौक येथे केलेल्या डिझेल कारवाईचा तपास सहाय्यक पोलीस निरीक्षक प्रवीण पाटील यांच्याकडून काढून तो शहर पोलीस उपअधीक्षक विशाल ढुमे यांच्याकडे देण्यात आला आहे.

डॉ. राठोड यांच्या पथकाने छापा टाकून आरोपी गौतम बेळगे याला अटक केली आहे. तो पोलिसांना काहीच माहिती देत नाही. राहुरीच्या पंपावरून हे डिझेल घेतले एवढेच तो सांगतो असे सूत्रांकडून समजले. जिल्ह्यात यापूर्वी समोर आलेल्या बनावट डिझेल, पेट्रोल प्रकरणात राहुरी तालुक्याचे नाव आलेले आहे.

जिल्ह्यात यापूर्वी नाप्त्यापासून बनावट पेट्रोलसह बनावट डिझेल तयार करण्याचे ठिकाणे पोलिसांनी पकडलेले आहेत. यात जामखेड, सुपा येथे हा प्रकार सुरू असल्याचे समोर आले होते. वांबोरीत देखील नाप्त्यापासून बनावट पेट्रोल तयार करण्यासाठी साहित्याचा साठा तत्कालीन प्रशिक्षणार्थी पोलीस उपअधीक्षक संदीप जाधव यांनी पकडला होता.

या घटनेला अनेक वर्षांचा कालावधी लोटला असला तरी या जुन्या संदर्भाचा आधार घेतल्यास राहुरी तालुक्यातून बरीच माहितीसमोर येण्याची शक्यता आहे. पोलिसांनी योग्य दिशेने तपास केल्यास हे प्रकरण राहुरी भोवती फिरणार असल्याची शक्यता आहे.

अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved