Jio Welcome Offer : जिओ वापरकर्त्यांसाठी कंपनीने भन्नाट ऑफर आणली आहे. यामध्ये ग्राहकांना मोफत 5G नेटवर्क दिले जाऊ शकते. काही निवडक वापरकर्त्यांना यासंदर्भात इन्विटेशन देण्यात आले आहे.

5G सेवा रिलायन्स जिओने गेल्या महिन्यात म्हणजेच ऑक्टोबर 2022 मध्ये लाँच केली होती. ही सेवा यापूर्वी देशातील निवडक शहरांमध्ये उपलब्ध करून देण्यात आली आहे. Jio चा True 5G सध्या बीटा टप्प्यात आहे. यामुळेच 5G निवडक युजर्सना फक्त Invite द्वारे उपलब्ध करून दिले जात आहे.

जिओची 5G सेवा कोणत्या शहरांमध्ये उपलब्ध आहे?

सध्या रिलायन्स जिओने भारतातील फक्त 8 शहरांमध्ये 5G सेवा उपलब्ध करून दिली आहे. यामध्ये दिल्ली एनसीआर, वाराणसी, कोलकाता, बेंगळुरू, मुंबई, चेन्नई, नाथद्वारा आणि हैदराबादचा समावेश आहे. जिओने या शहरांतील ग्राहकांसाठी वेलकम ऑफर आणली आहे. तथापि, जिओ वेलकम ऑफर केवळ निवडक वापरकर्त्यांसाठी आहे.

जिओ वेलकम ऑफर कोणत्या निवडक वापरकर्त्यांसाठी आहे?

जिओ वेलकम ऑफर कंपनीकडून अशा वापरकर्त्यांना दिली जात आहे ज्यांच्याकडे Jio 5G-नेटवर्क कंपॅटिबल डिव्हाइस आहे. तसेच, ते 5G-नेटवर्क कव्हरेज क्षेत्रात देखील आले पाहिजेत.

पात्र वापरकर्त्यांना त्यांच्या Jio नंबरवर 239 रुपये किंवा त्याहून अधिकचा सक्रिय प्लॅन घ्यावा लागेल. ऑफर अंतर्गत, ग्राहकांना 1Gbps पर्यंतच्या स्पीडसह अमर्यादित 5G डेटा मिळेल.

Jio 5G मोफत कसे मिळवायचे?

तुम्हाला सांगतो की जिओ वेलकम ऑफर आमंत्रणावर आधारित आहे. अशा परिस्थितीत, केवळ तेच वापरकर्ते या ऑफरचा लाभ घेऊ शकतील, ज्यांना कंपनीने आमंत्रण पाठवले आहे.

पात्र शहरांमधील वापरकर्त्यांना 5G साठी नवीन सिम खरेदी करण्याची गरज नाही, असेही कंपनीकडून स्पष्ट करण्यात आले आहे. प्रीपेड किंवा पोस्टपेड सिमचे 239 किंवा त्याहून अधिक रिचार्ज केल्यावर ग्राहकाला 5G आमंत्रण मिळू शकते.

इन्विटेशन कसे तपासायचे?

जिओने पाठवलेली आमंत्रणे पाहण्यासाठी तुम्ही My Jio अॅपवर जाऊ शकता. तुम्ही निवडलेल्या शहरात राहता आणि तुमच्याकडे जिओ सिम असेल तर तुम्ही My Jio अॅपमध्ये आमंत्रण तपासू शकता. मात्र, या सुविधेचा लाभ घेण्यासाठी तुमच्याकडे 5G सपोर्ट असलेला फोनही असणे आवश्यक आहे.