Jeep Meridian April Discounts : जर तुम्ही नजीकच्या भविष्यात नवीन कार घेण्याचा विचार करत असाल तर तुमच्यासाठी एक आनंदाची बातमी आहे. अमेरिकेतील आघाडीची कार उत्पादक कंपनी जीप एप्रिल 2024 महिन्यासाठी तिच्या संपूर्ण पोर्टफोलिओवर बंपर सूट देत आहे.
जीप कंपनीकडून कार खरेदी करून ग्राहक या महिन्यात 11.85 लाख रुपयांपर्यंत बचत करू शकतात. एप्रिल 2024 मध्ये भारतात जीपच्या एंट्री मॉडेल कंपासवर 1.55 लाख रुपयांपर्यंत बचत होऊ शकते. तर या महिन्यातJeep Meridian वर 2.80 लाख रुपयांपर्यंत बचत होऊ शकते. या ऑफर अंतर्गत रोख सवलत, एक्सचेंज बोनस, कॉर्पोरेट ऑफर आणि 3 वर्षांसाठी मोफत देखभाल पॅकेज यांचा समावेश आहे.
दुसरीकडे, कंपनीची प्रीमियम SUV Grand Cherokee देखील भारतात मोठ्या सवलतींसह उपलब्ध आहे. ग्राहक एप्रिल महिन्यात ग्रँड चेरोकी खरेदी करून 11.85 लाख रुपयांपर्यंत बचत करू शकतात. याव्यतिरिक्त, काही डीलरशिपमध्ये जीपच्या लोकप्रिय रँगलर ऑफ-रोडरवर देखील सूट असू शकते.
तुमच्या माहितीसाठी कंपनी लवकरच जीप रँगलरचे नवीन प्रकार लॉन्च करणार आहे. जीप ग्रँड चेरोकीची भारतातील किंमत 68.50 लाख रुपये, एक्स-तर जीप रँग्लरची सुरुवातीची एक्स-शोरूम किंमत 62.64 लाख रुपये आहे.
जर आपण Jeep Meridian बद्दल बोललो तर ती 7-सीटर SUV आहे. कारमध्ये पॉवरट्रेन म्हणून 2.0 लीटर टर्बो डिझेल इंजिन आहे, जे जास्तीत जास्त 170bhp पॉवर आणि 350Nm चा पीक टॉर्क जनरेट करण्यास सक्षम आहे. कारच्या इंजिनमध्ये 6-स्पीड मॅन्युअल आणि 9-स्पीड ऑटोमॅटिक ट्रान्समिशनचा पर्याय आहे. त्याच वेळी, कारच्या केबिनमध्ये 10-इंच टचस्क्रीन इन्फोटेनमेंट सिस्टम आणि मल्टी-झोन क्लायमेट कंट्रोल सारखे फीचर्स देण्यात आले आहेत. याशिवाय सुरक्षेसाठी कारमध्ये 6-एअरबॅग्ज देण्यात आल्या आहेत.
