Car News:- भारतीय ग्राहकांमध्ये SUV गाड्यांची लोकप्रियता दिवसेंदिवस वाढत आहे. विशेषतः टोयोटा फॉर्च्यूनरसारख्या आलिशान आणि दमदार SUV गाड्यांबद्दल एक विशेष आकर्षण आहे. परंतु उच्च किंमतीमुळे अनेकांना फॉर्च्यूनर घेणं शक्य होत नाही. हीच गरज ओळखून टोयोटा कंपनीने एक नवा पर्याय बाजारात आणला आहे. Toyota Urban Cruiser Hyryder, ज्याला ग्राहक ‘मिनी फॉर्च्यूनर’ म्हणून ओळखत आहेत. ही कार फॉर्च्यूनरसारखी दिसते आणि अनेक उच्च दर्जाची फीचर्सही देते व ते पण खूपच परवडणाऱ्या किमतीत.
कशी आहे टोयोटाची ही कार?
टोयोटाने आपल्या या कारमध्ये दमदार इंजिन, आकर्षक डिझाईन आणि नवीनतम तंत्रज्ञानाचा समावेश केला आहे. Urban Cruiser Hyryder मध्ये 1.5 लिटर पेट्रोल इंजिन दिलं जातं आणि ही कार पेट्रोल, सीएनजी आणि हायब्रीड अशा तीन इंधन पर्यायांमध्ये उपलब्ध आहे. सीएनजी व्हेरिएंटमध्ये ही कार तब्बल 27 किमी प्रति किलो मायलेज देते, जे अत्यंत प्रभावी आहे आणि भारतीय बाजारात इंधन बचतीच्या दृष्टीने एक मोठा फायदेशीर पर्याय मानला जातो. हायब्रीड व्हेरिएंटमध्ये या गाडीचं मायलेज 20 ते 22 किमी प्रति लिटर पर्यंत जातं, जे शहर आणि लांब पल्ल्याच्या प्रवासासाठी आदर्श आहे.
या कारमध्ये असलेली इतर महत्त्वाची वैशिष्ट्ये
ही SUV फक्त मायलेजपुरती मर्यादित नाही, तर त्याच्या लुक्स आणि फिचर्सनेही ती ग्राहकांच्या मनात घर करते. फॉर्च्यूनरसारखी उंच रचना, दमदार फ्रंट ग्रिल, एलईडी DRLs, आणि स्पोर्टी अॅलॉय व्हील्स ही कारला एक प्रीमियम SUV सारखा लुक देतात. टोयोटा Hyryder मध्ये हवेशीर फ्रंट सीट्स, मल्टीफंक्शनल टचस्क्रीन डिस्प्ले, वायरलेस अॅपल कारप्ले आणि अँड्रॉइड ऑटो, ऑटोमॅटिक क्लायमेट कंट्रोल, 6 एअरबॅग्स, ABS, EBD, आणि 360-डिग्री कॅमेरा अशा सुरक्षेच्या आणि सुविधांच्या बाबतीत उत्तम सुविधा देण्यात आल्या आहेत.
Hyryder मध्ये 5-स्पीड मॅन्युअल आणि 6-स्पीड ऑटोमॅटिक ट्रान्समिशन चा पर्याय देण्यात आला आहे. त्यामुळे ड्रायव्हिंगचा अनुभव अधिकच आरामदायक आणि कंट्रोलमध्ये राहतो. या गाडीमध्ये दिलेली मजबूत बॉडी स्ट्रक्चर आणि टोयोटाचा विश्वासार्ह ब्रँड इमेज यामुळे ही SUV एक उत्तम गुंतवणूक ठरते.
या कारची किंमत किती?
या कारची एक्स-शोरूम किंमत 11.34 लाख रुपये पासून सुरू होते, जी वेगवेगळ्या व्हेरिएंट आणि इंधन प्रकारानुसार 19 लाख रुपयांपर्यंत जाते. म्हणजेच, ज्या ग्राहकांचं बजेट मध्यम श्रेणीत आहे पण फॉर्च्यूनरसारखी SUV घ्यायची इच्छा आहे, त्यांच्यासाठी ही गाडी आदर्श पर्याय आहे. या किमतीत ग्राहकांना एक आकर्षक, मायलेज आणि फीचर-पॅक्ड SUV मिळते जी फॉर्च्यूनरसारखा अनुभव देते.
