Mahindra XUV300 : जर तुम्ही येत्या काही दिवसात नवीन SUV खरेदी करण्याचा विचार करत असाल तर तुमच्यासाठी एक आनंदाची बातमी आहे. कारण महिंद्राने एप्रिल 2024 साठी तिची एकमेव लोकप्रिय कॉम्पॅक्ट SUV XUV300 वर बंपर सूट जाहीर केली आहे. होय, आता तुम्ही ही SUV अगदी स्वस्तात घरी आणू शकता.
Mahindra XUV300 च्या MY 2023 वर, कंपनीने वेगवेगळ्या प्रकारांवर कमाल 1.59 लाख रुपयांची सूट दिली आहे. कंपनी येत्या काही दिवसांत XUV300, XUV3XO ची फेसलिफ्ट आवृत्ती लॉन्च करण्यास तयार आहे. त्याआधी कपंनीने मोठी सूट जाहीर केली आहे.
महिंद्रा XUV300 बाजारात Kia Sonet, Tata Punch आणि Nexon सारख्या SUV सोबत स्पर्धा करते. Mahindra XUV300 वर उपलब्ध असलेल्या सवलतींबद्दल सविस्तर जाणून घेण्यासाठी, ग्राहक त्यांच्या जवळच्या डीलरशीपशी संपर्क साधू शकतात. महिंद्राच्या या SUV वर उपलब्ध असलेल्या सवलतींबद्दल सविस्तर जाणून घेऊया.
कंपनी MY 2023 W8 वर, Mahindra XUV300 च्या टॉप व्हेरिएंटवर 1.57 लाख रुपयांपर्यंत कमाल सूट देत आहे. तर XUV300 च्या TGDi मॉडेलवर ग्राहकांना 1.50 लाख रुपयांपर्यंत सूट मिळत आहे. त्याच वेळी, XUV300 च्या W6 प्रकारावर 94 हजार ते 1.33 लाख रुपयांची सूट मिळत आहे. तर XUV300 च्या W4 व्हेरिएंटवर 54,000 ते 95,349 रुपयांपर्यंत सूट मिळत आहे. दुसरीकडे, कंपनी XUV300 च्या W2 वेरिएंटवर 45,000 रुपयांची सूट देत आहे. तुमच्या माहितीसाठी महिंद्रा XUV300 ची सुरुवातीची एक्स-शोरूम किंमत टॉप मॉडेलमध्ये 7.99 लाख रुपये ते 14.76 लाख रुपये आहे.
या कारच्या पॉवरट्रेनबद्दल बोलायचे झाले तर यामध्ये 3 इंजिन पर्याय देण्यात आले आहेत. पहिले 1.2 लीटर टर्बो पेट्रोल इंजिनसह सुसज्ज आहे जे जास्तीत जास्त 110bhp पॉवर आणि 200Nm पीक टॉर्क जनरेट करण्यास सक्षम आहे. दुसरे 1.2 लीटर TGDi टर्बो पेट्रोल इंजिनसह सुसज्ज आहे जे जास्तीत जास्त 130bhp पॉवर आणि 230Nm पीक टॉर्क जनरेट करण्यास सक्षम आहे. तर तिसरे 1.5 लिटर डिझेल इंजिनसह सुसज्ज आहे जे जास्तीत जास्त 117bhp पॉवर आणि 300Nm चा पीक टॉर्क जनरेट करण्यास सक्षम आहे. ग्राहकांना कारच्या इंजिनमध्ये 6-स्पीड मॅन्युअल आणि 6-स्पीड ऑटोमॅटिक ट्रान्समिशनचा पर्याय मिळतो.
दुसरीकडे, कारच्या केबिनमध्ये ग्राहकांना अँड्रॉइड ऑटो आणि ऍपल कारप्लेला सपोर्ट करणारी 7-इंच टचस्क्रीन इन्फोटेनमेंट सिस्टीम, सिंगल-पेन सनरूफ आणि क्रूझ कंट्रोल सारखी वैशिष्ट्ये देण्यात आली आहेत. याशिवाय, कारमध्ये 7-एअरबॅग्ज, ABS तंत्रज्ञान, ऑल-व्हील डिस्क ब्रेक, कॉर्नर ब्रेकिंग कंट्रोल, फ्रंट आणि रियर पार्किंग सेन्सर यांसारखी सुरक्षा वैशिष्ट्ये देखील देण्यात आली आहेत. याशिवाय ग्लोबल NCAP ने XUV300 ला कौटुंबिक सुरक्षिततेसाठी क्रॅश टेस्टमध्ये 5-स्टार रेटिंग दिली आहे. ही कार ग्राहकांना 5 प्रकारात उपलब्ध आहे.