Maruti Suzuki Expensive Car : कमी किमतीमध्ये भन्नाट मायलेजसह बेस्ट फीचर्स देणारी देशाची सर्वात मोठी कार कंपनी मारुती सुझुकी आता एक नवीन आणि सर्वात महागडी कार बाजारात लाँच करण्याची तयारी करत असल्याची माहिती समोर आली आहे.
मिळालेल्या माहितीनुसार भारतीय बाजारपेठेमध्ये मारुती सुझुकी या वर्षी जून-जुलैमध्ये आपली सर्वात महागडी कार टोयोटा इनोव्हा हायक्रॉस-आधारित प्रीमियम MPV लॉन्च करणार आहे.
मारुती सुझुकीचे अध्यक्ष आर.सी. भार्गव यांनी ही घोषणा केली आहे याच बरोबर त्यांनी असेही सांगितले की हे मॉडेल ब्रँडसाठी व्हॉल्यूम आणू शकत नसले तरी कंपनीच्या लाइन-अपमधील हे एक महत्त्वाचे उत्पादन असेल.
बोलताना आरसी भार्गव म्हणाले, ‘आम्ही टोयोटाकडून एक मॉडेल खरेदी करू, जे किमतीच्या बाबतीत 3-रो मजबूत हायब्रिड आणि टॉप-ऑफ-द-लाइन मॉडेल असेल. याशिवाय, मारुती सुझुकीच्या चेअरमनने आणखी तपशील उघड केला नाही, परंतु आम्ही असे गृहीत धरू शकतो की हे दोन इंडो-जपानी ऑटोमेकर्समधील दुसरे बॅज-इंजिनियर मॉडेल असेल.
मारुती-टोयोटा भागीदारी
मारुती सुझुकी इंडिया लिमिटेड आणि टोयोटा किर्लोस्कर मोटर दोन्ही 2017 पासून धोरणात्मक भागीदारीत आहेत. या जॉइंट वेंचरचा उद्देश त्याच्या उत्पादनांची पोहोच वाढवणे आणि रिसोर्स सामायिक करणे हा आहे. या संयुक्त उपक्रमांतर्गत टोयोटाने मारुती सुझुकीला हायब्रीड आणि इलेक्ट्रिक वाहनांच्या विकासासाठी तांत्रिक मदत देऊ केली आहे. त्या बदल्यात, मारुती सुझुकीने टोयोटाला भारतातील विक्री आणि डिस्ट्रिब्यूशन नेटवर्कमध्ये रीच प्रदान केला आहे.
इंजिन पर्याय
मारुती सुझुकीच्या या स्पेशल प्रीमियम MPV बद्दल मिळालेल्या माहितीनुसार, सध्याच्या इनोव्हा हायक्रॉसच्या तुलनेत हे मॉडेल थोडे वेगळे एक्सटीरियर डिझाइन ऑफर करेल असा विश्वास आहे.
टोयोटा फक्त पेट्रोल मॉडेल म्हणून इनोव्हा हायक्रॉस ऑफर करते आणि ती दोन पॉवरट्रेन पर्यायांसह ऑफर करते. यामध्ये 2.0-लिटर 4-सिलेंडर नॅचरली एस्पिरेटेड पेट्रोल इंजिन आणि 2.0-लिटर पेट्रोल-हायब्रिड इंजिन समाविष्ट असेल.
हे पण वाचा :- IMD Rainfall Alert : महाराष्ट्रासह 18 राज्यांमध्ये पाऊस-वादळासह गारपिटीचा इशारा ; जाणून घ्या लेटेस्ट अपडेट्स