New Hyundai Venue:- किआच्या नवीन सायरोस SUV च्या लाँचनंतर आता ह्युंदाई देखील त्यांच्या आगामी व्हेन्यू SUV मध्ये मोठे अपडेट्स देण्याच्या तयारीत आहे. विशेष म्हणजे ही SUV प्रीमियम फीचर्सने भरलेली असणार आहे. जी थेट टाटा सफारी आणि किआ सायरोससारख्या मोठ्या SUV मध्ये आढळतात. त्यामुळे टाटा नेक्सॉनच्या प्रतिस्पर्ध्याला आता आणखी प्रीमियम आणि लक्झरीयस अपडेट मिळणार आहेत.
नवीन ह्युंदाई व्हेन्यूमध्ये काय असेल खास?
गेल्या काही महिन्यांपासून ह्युंदाई व्हेन्यूच्या टेस्टिंगदरम्यान दिसलेल्या स्पाय शॉट्समुळे या SUV बद्दल मोठी उत्सुकता निर्माण झाली आहे. या गाडीमध्ये अनेक प्रीमियम आणि आधुनिक फीचर्स असतील. जे थेट उच्च श्रेणीतील SUV मध्ये आढळतात. या अपग्रेड्समुळे नवीन व्हेन्यू अधिक आकर्षक आणि सुविधायुक्त होणार आहे.
प्रिमियम फीचर्सचा समावेश
ह्युंदाई नवीन व्हेन्यूला अधिक स्टायलिश आणि प्रीमियम लुक देण्यासाठी काही कॉस्मेटिक बदल करत आहे. तसेच या SUV मध्ये काही अत्याधुनिक फीचर्स समाविष्ट केले जाणार आहेत. यामध्ये समाविष्ट असलेल्या प्रमुख फीचर्स खालीलप्रमाणे असतील—
मोठा टचस्क्रीन डिस्प्ले – डिजिटल अनुभव आणखी उत्तम करण्यासाठी मोठी टचस्क्रीन सिस्टम
डिजिटल इन्स्ट्रुमेंट क्लस्टर – ड्रायव्हिंग माहिती सहज पाहण्यासाठी पूर्णतः
डिजिटल डॅशबोर्ड
फ्रंट आणि रिअर व्हेंटिलेटेड सीट्स – उन्हाळ्यात थंडावा देणारी विशेषतः आरामदायी सुविधा
रिअर सीट स्लाइडिंग फीचर – प्रवाशांसाठी अधिक स्पेस आणि आरामदायी सीट अरेंजमेंट
17-इंच अलॉय व्हील्स – SUV ला स्पोर्टी आणि आकर्षक लुक देणारे मोठे अलॉय व्हील्स
पॅनोरॅमिक सनरूफ – कारच्या इंटिरियरला अधिक एलिगंट आणि मोकळा लुक देणारे सनरूफ
ADAS Level 2– सेफ्टीच्या दृष्टीने अत्याधुनिक तंत्रज्ञान, ज्यामध्ये ऑटोमॅटिक ब्रेकिंग आणि अडव्हान्स्ड क्रूझ कंट्रोल सारखी फीचर्स मिळू शकतात
ही सर्व फीचर्स नवीन किआ सायरोस आणि टाटा सफारीच्या पातळीवरील असल्यामुळे ह्युंदाई व्हेन्यू ही एक उत्तम प्रीमियम पर्याय ठरणार आहे.
पॉवरफुल इंजिन
नवीन ह्युंदाई व्हेन्यूमध्ये याआधीच्या इंजिन पर्यायांचीच पुनरावृत्ती होण्याची शक्यता आहे. हे SUV तीन इंजिन पर्यायांसह येऊ शकते….
1.2-लिटर NA पेट्रोल इंजिन – नॉर्मल ड्रायव्हिंगसाठी स्थिर आणि विश्वासार्ह परफॉर्मन्स
1.0-लिटर टर्बो पेट्रोल इंजिन – अधिक पॉवर आणि परफॉर्मन्ससाठी टर्बोचार्ज्ड व्हर्जन
1.5-लिटर डिझेल इंजिन – अधिक मायलेज आणि लॉंग ड्रायव्हसाठी डिझेल ऑप्शन
ट्रान्समिशन पर्यायांमध्ये MT (मॅन्युअल), iMT (इंटेलिजंट मॅन्युअल), CVT (कंटिन्युअसली व्हेरिएबल ट्रान्समिशन) आणि DCT (ड्युअल क्लच ट्रान्समिशन) असे विविध पर्याय दिले जातील.
लाँचिंग कधी होणार?
ह्युंदाईने अलीकडेच भारतीय बाजारात नवीन क्रेटा ईव्ही लाँच केली आहे. मात्र त्यांनी अद्याप अधिकृतपणे नवीन व्हेन्यूबद्दल कोणतीही घोषणा केलेली नाही. तरीही तज्ज्ञांच्या मते, नवीन ह्युंदाई व्हेन्यू 2025 च्या दुसऱ्या सहामाहीत बाजारात दाखल होण्याची शक्यता आहे.
कोणासोबत असेल स्पर्धा?
नवीन ह्युंदाई व्हेन्यू लाँच झाल्यानंतर टाटा नेक्सॉन, किआ सायरोस आणि मारुती सुझुकी ब्रेझ्झासारख्या गाड्यांसाठी ती मोठी स्पर्धा ठरू शकते. दमदार इंजिन, लक्झरीयस इंटिरियर आणि अत्याधुनिक सेफ्टी फीचर्समुळे ही SUV ग्राहकांसाठी उत्तम पर्याय ठरेल. त्यामुळे ह्युंदाईच्या चाहत्यांसाठी खरोखरच ही एक आनंदाची बातमी असणार आहे.
