Ola S1 : ओलाच्या जवळपास स्कुटरची बाजारात मोठ्या प्रमाणावर विक्री होते. त्यामुळे कंपनी आपल्या ग्राहकांसाठी सतत नवनवीन इलेक्ट्रिक स्कुटर लाँच करत असते. परंतु कंपनीच्या ग्राहकांना आता खूप मोठा धक्का बसला आहे. कारण काही दिवसांपूर्वी कंपनीने आपली Ola S1 ही इलेक्ट्रिक स्कूटर लाँच केली होती.
ती स्कुटर आता ग्राहकांना खरेदी करता येणार नाही. सर्वात महत्त्वाचे म्हणजे तुम्हाला ही स्कुटर कंपनीच्या अधिकृत साइटवरही दिसणार नाही. किमतीबद्दल बोलायचे झाले तर Ola S1 ची किंमत 1,29,999 रुपये (सर्व एक्स-शोरूम, बेंगळुरू) होती.
या कारणामुळे बंद केली ही स्कूटर
परंतु ओलाच्या अधिकाऱ्यांनी यावर कोणतीही प्रतिक्रिया देण्यास नकार दिला आहे. ओला S1 आणि नव्याने लाँच झालेल्या S1 एअरमधील किमतीतील किंचित फरकामुळे ती स्कुटर बंद केली असावी अशी शक्यता वर्तवली जात आहे. विद्यमान S1 ग्राहक अजूनही त्यांच्या वाहनांसाठी सेवेचा लाभ घेऊ शकतील.
जाणून घ्या Ola S1 ची खासियत
हे लक्षात घ्या की S1 हे ओला इलेक्ट्रिकच्या सध्याच्या लाइनअपमधील मध्यम प्रकार होते. हे 5.5kW मोटरला जोडण्यात आलेल्या 3kWh बॅटरीद्वारे समर्थित होते. कंपनीच्या या EV मध्ये 141 किमी कमाल श्रेणी उपलब्ध होती. यासह 95 कि.मी. प्रति तास टॉप स्पीड दिला जात होता. तसेच यात LED लाइट्स, ब्लूटूथ-समर्थित 7-इंचाचा कलर TFT डिस्प्ले, तीन राइड मोड (इको, नॉर्मल आणि स्पोर्ट), रिव्हर्स मोड, साइड स्टँड अलर्ट आणि एकत्रित ब्रेकिंग सिस्टम मिळत होती.
वाढणार S1 Air ची किंमत?
आता S1 Air हे ओलाच्या पोर्टफोलिओमध्ये एंट्री-लेव्हल मॉडेल आणि कंपनीच्या मुख्य EVs पैकी एक असून त्याची सध्याची किंमत 1.09 लाख रुपये इतकी आहे, ज्याची किंमत कालपासून म्हणजेच 31 जुलैपासून 10,000 रुपयांनी वाढणार होती. परंतु कंपनीने 15 ऑगस्टपर्यंत स्थगिती दिली असून इच्छुक खरेदीदारांना हे आता कंपनीच्या अधिकृत साइटवरून रु. 1.10 लाखात खरेदी करता येईल.