Tata Curvv CNG
Tata Curvv CNG : टाटा मोटर्स आपल्या CNG पोर्टफोलिओचा विस्तार करण्यासाठी जोरदार तयारी करत आहे. टाटा कर्व सीएनजी ही कंपनीची नवी कूप सीएनजी कार असणार आहे, जी भारतीय बाजारपेठेत पहिली कूप डिझाईन सीएनजी कार म्हणून ओळखली जाईल.
गेल्या वर्षी लाँच झालेल्या टाटा कर्व्ह कूपने पेट्रोल, डिझेल आणि ईव्ही व्हेरिएंटमध्ये लोकप्रियता मिळवली होती. आता, CNG मॉडेलसह, कंपनी आपल्या CNG पोर्टफोलिओला अधिकाधिक ग्राहकांसाठी परवडणारे आणि पर्यावरणपूरक बनवण्याचा प्रयत्न करत आहे.
Tata Curvv डिझाईन
टाटा कर्व सीएनजीमध्ये आधुनिक आणि आकर्षक डिझाईन असून, त्यामध्ये कोणताही मोठा बदल अपेक्षित नाही. मात्र, गाडीच्या मागील बाजूस आणि बाजूने iCNG लोगो दिसेल. कर्व्हच्या इंटिरियरमध्ये 12.3-इंचाचा टचस्क्रीन इन्फोटेनमेंट सिस्टम, JBL ची व्हॉईस असिस्ट सिस्टम, 10.25-इंच डिजिटल ड्रायव्हर डिस्प्ले, आणि प्रीमियम डिझाईन असलेले इंटीरियर देण्यात आले आहे.
Tata Curvv बूट स्पेस
Tata Curvv CNG मध्ये दोन 30 लिटरच्या सीएनजी टाक्या एकूण 60 लिटर असतील. या ड्युअल-टाकी सिस्टमनंतरही वाहनात बूट स्पेसची कमतरता जाणवणार नाही, जी या सेगमेंटमधील एक मोठी खासियत असेल.
Tata Curvv इंजिन
कर्व्ह सीएनजीमध्ये 1.2 लिटर टर्बो पेट्रोल इंजिन असेल, जे 99 bhp आणि 170 Nm टॉर्क जनरेट करण्याची क्षमता ठेवते. मात्र, CNG किटसह, पॉवर आणि टॉर्क थोडेसे बदलले जाऊ शकते. हेच इंजिन टाटा नेक्सॉन CNG मध्ये देखील आहे. विशेष म्हणजे, भारताच्या पहिल्या कूप CNG कारमध्ये टर्बो-पेट्रोल इंजिनसह CNG किट उपलब्ध होईल.
Tata Curvv सेफ्टी फीचर्स
सुरक्षिततेच्या बाबतीत कर्व सीएनजी मागे राहणार नाही. याला आधीच क्रॅश टेस्टमध्ये 5-स्टार रेटिंग मिळाले आहे. यामध्ये 6 एअरबॅग्ज, अँटी-लॉक ब्रेकिंग सिस्टम (ABS), इलेक्ट्रॉनिक स्टेबिलिटी प्रोग्राम (EPS), ब्रेक असिस्ट, 3-पॉइंट सीट बेल्ट आणि डिस्क ब्रेक्स यांसारखी प्रगत सुरक्षा वैशिष्ट्ये असतील.
Tata Curvv किंमत
टाटा कर्व्ह CNG ची सुरुवातीची किंमत सुमारे 10 लाख रुपये (एक्स-शोरूम) असण्याची शक्यता आहे. कर्व्हच्या या मॉडेलला नेक्सॉन CNG, मारुती सुझुकी ब्रेझा CNG, आणि ह्युंदाई वेन्यू CNG यांसारख्या गाड्यांसोबत स्पर्धा करावी लागेल. बाजारात या वर्षाच्या अखेरीस टाटा कर्व्ह CNG लाँच होण्याची शक्यता आहे, परंतु अद्याप कंपनीकडून याची अधिकृत घोषणा करण्यात आलेली नाही.