अहमदनगर Live24 टीम, 17 जानेवारी 2022 :- देशांतर्गत स्टार्टअप Ignitron Motocorp Pvt Ltd ने आपली दुसरी ‘मेड इन इंडिया’ इलेक्ट्रिक मोटरसायकल Cyborg ब्रँड नावाने, Bob-e सादर केली आहे. ही इलेक्ट्रिक बाईक प्रामुख्याने स्टायलिश स्पोर्टी लूकसह आणली गेली आहे, ज्यामुळे तरुणांना ती अधिक आवडेल.(Electric Bike)
त्याच वेळी, गेल्या वर्षी डिसेंबरमध्ये कंपनीने सायबोर्ग योडा इलेक्ट्रिक क्रूझर मोटरसायकल सादर केली होती. मात्र, कंपनीने अद्याप या ई-बाईकची किंमत आणि विक्रीचा खुलासा केलेला नाही. या इलेक्ट्रिक मोटरसायकलच्या वैशिष्ट्यांबद्दल आणि इतर तपशीलांबद्दल जाणून घ्या.
डिजाइन :- सायबोर्ग बॉब-ईचे डिझाईन काही डर्ट मोटारबाईकवरून घेतलेले दिसते. यात लो-सेट हँडलबार, स्लीक एलईडी हेडलॅम्प आणि डीआरएल, फ्रंट फेंडर, ट्रेंडी एलईडी टर्न सिग्नल, सिंगल-पीस सीट्स आणि एलिव्हेटेड टेल सेक्शन यांसारख्या वैशिष्ट्यांसह कॉम्पॅक्ट, स्पोर्टी प्रोफाइल आहे.
सुरुवातीला ही बाईक लाल आणि काळा या दोन रंगांच्या पर्यायांमध्ये उपलब्ध असेल. तसेच Cyborg BOB-e IP65-रेट असलेला LED डिस्प्ले आहे. जिओ लोकेट, जिओ फेन्सिंग, यूएसबी चार्जिंग, ब्लूटूथ कनेक्टिव्हिटी आणि रिमोट कीलेस इग्निशन यासारखी अनेक प्रगत वैशिष्ट्ये उपलब्ध आहेत.
उत्तम राइडिंग मोड्स मिळतील :- कंपनीने यामध्ये तीन वेगवेगळे रायडिंग मोड दिले आहेत, ज्यात इको, नॉर्मल आणि स्पोर्टी यांचा समावेश आहे. एवढेच नाही तर रायडरच्या सुविधेसाठी रिव्हर्स मोड आणि क्रूझ कंट्रोल देखील देण्यात आला आहे. सायबोर्गने बॉब-ई इलेक्ट्रिक बाइकमध्ये डिजिटल इन्स्ट्रुमेंट क्लस्टर दिले आहे जे रायडरला विविध प्रकारची माहिती दर्शवेल. तसेच, या बाईकमध्ये टेलीस्कोपिक फ्रंट फोर्क्स आणि रिअरमध्ये एडजस्टेबल मोनोशॉक एब्जॉर्बर आहे.
रेंज, टॉप स्पीड आणि बॅटरी :- कंपनीने या बाइकमध्ये 2.88 kWh ची लिथियम-आयन बॅटरी दिली आहे. तसेच, ही बाईक ताशी 85 किमी वेगाने चालवता येते. रेंजबद्दल बोलायचे झाले तर ते एका चार्जवर जास्तीत जास्त 110 किमीचा दावा करते. ही बाईक घरबसल्या सहज चार्ज करता येईल, असा कंपनीचा दावा आहे. चार्जिंगसाठी 15 amp फास्ट होम चार्जर प्रदान केला आहे. तसेच, कंपनीचे म्हणणे आहे की एका चार्जवर या इलेक्ट्रिकला 5 तासांचा बॅकअप दिला जाऊ शकतो.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम