Toyota : टोयोटाने त्यांच्या लोकप्रिय MPV टोयोटा इनोव्हा क्रिस्टाच्या डिझेल प्रकारांसाठी बुकिंग घेणे बंद केले आहे, याचा थेट परिणाम डिलिव्हरीवर होऊ शकतो. डीलर्सकडून मिळालेल्या माहितीनुसार, सेमीकंडक्टरच्या कमतरतेमुळे टोयोटा इनोव्हा क्रिस्टा डिझेलचे बुकिंग थांबवण्यात आले आहे. मात्र, वेगळे डिझेल इंजिन असलेल्या टोयोटा फॉर्च्युनरवर याचा परिणाम झालेला नाही.
टोयोटा नियोजित वेळेनुसार ऑगस्टच्या सुरुवातीस डिझेल प्रकारासाठी प्राप्त झालेल्या सर्व बुकिंगची पूर्तता करेल, परंतु या महिन्यात केलेल्या कोणत्याही पुढील बुकिंगला काही महिने उशीर होण्याची शक्यता आहे. डिझेल व्हेरिएंट पुन्हा ऑफर केली जाईल यावर अद्याप माहिती मिळालेली नाही.
या वर्षाच्या शेवटी टोयोटा पुढील पिढीची टोयोटा इनोव्हा क्रिस्टा सादर करणार आहे, जी कंपनी टोयोटा इनोव्हा हायक्रॉस म्हणून सादर करू शकते. नवीन मॉडेल सणासुदीच्या काळात देशात दाखल होण्याची अपेक्षा आहे.
टोयोटा इनोव्हा हायक्रॉस कंपनीच्या TNGA-C प्लॅटफॉर्मवर आधारित असेल आणि फक्त पेट्रोल हायब्रीड पॉवरट्रेन मिळण्याची अपेक्षा आहे. Toyota Innova Crysta च्या डिझेल इंजिनबद्दल बोलायचे झाल्यास, यात 2.4-लीटर टर्बोचार्ज्ड डिझेल इंजिन मिळते, जे 150 bhp ची पॉवर प्रदान करते.
याशिवाय या कारमध्ये 2.7-लीटर पेट्रोल इंजिन उपलब्ध आहे, जे 166 bhp पॉवर प्रदान करते. दोन्ही इंजिन 5-स्पीड मॅन्युअल किंवा 6-स्पीड टॉर्क कन्व्हर्टर ऑटोमॅटिक गिअरबॉक्सशी जोडलेले आहेत. टोयोटा इनोव्हा क्रिस्टा सात किंवा आठ सीटर लेआउटसह येते.
टोयोटा आपली नवीन मध्यम आकाराची एसयूव्ही अर्बन क्रूझर हायरायडर लवकरच बाजारात आणणार आहे. कंपनी ही एसयूव्ही 4 व्हेरियंटमध्ये लॉन्च करणार आहे, त्यासोबतच यात दोन इंजिनचा पर्यायही दिला जाणार आहे. टोयोटा मध्यम आकाराच्या एसयूव्ही सेगमेंटमध्ये नवीन अर्बन क्रूझर हायरायडर लॉन्च करणार आहे.
बाजारात त्याची स्पर्धा Hyundai Creta, Kia Seltos, Skoda Kushak, Volkswagen Tiagon आणि Maruti Suzuki Grand Vitara या गाड्यांशी असणार आहे. इंजिनबद्दल बोलायचे झाल्यास, Highrider ला 1.5-लीटर K15C पेट्रोल इंजिन सौम्य हायब्रिड (खालच्या वेरिएंटसाठी) आणि मजबूत हायब्रिड सिस्टम (टॉप व्हेरियंटसाठी) मिळेल.
याशिवाय वायरलेस चार्जिंग, अॅम्बियंट इंटीरियर लाइटिंग, 7-इंच डिजिटल इन्स्ट्रुमेंट क्लस्टर, कनेक्टेड कार टेक्नॉलॉजी, क्रूझ कंट्रोल, एबीएस विथ ईबीडी, हिल होल्ड कंट्रोल, रिअर पार्किंग सेन्सर्स यांसारखी वैशिष्ट्ये आणि उपकरणेही या कारमध्ये देण्यात येणार आहेत.