Safest Cars : आज भारतातील प्रत्येक कार ग्राहक स्वतःच्या सुरक्षिततेबाबत जागरूक आहे. अशातच लोक आता कार खरेदी करताना प्रथम सुरक्षा वैशिष्ट्ये जाणून घेतात. तुम्हीही सध्या एका चांगल्या कारच्या शोधात असाल तर तुमच्यासाठी आजची बातमी कामाची आहे, आज आम्ही अशा कार्स बद्दल सांगणार आहोत जिला सुरक्षेमध्ये 5 स्टार रेटिंग मिळाले आहेत.
भारतात विकल्या जाणाऱ्या बहुतेक बजेट कार खूप चांगले मायलेज देतात पण सुरक्षेच्या बाबतीत त्या विशेष नाहीत. जर आपण देशातील सर्वात मोठी कार निर्माता कंपनी मारुती सुझुकीबद्दल बोललो तर, कंपनीच्या सर्वाधिक विक्री होणाऱ्या हॅचबॅक कारचे सुरक्षा रेटिंग निराशाजनक आहे.
मारुतीच्या सर्वाधिक विक्री होणाऱ्या हॅचबॅक बलेनोचे उदाहरण घेता, ही कार उत्तम डिझाइन आणि वैशिष्ट्यांसह येते. त्याच्या नवीन पिढीच्या मॉडेलची क्रॅश चाचणी केली गेली नाही, परंतु जुन्या पिढीचे NCAP रेटिंग 0 स्टार होते. बलेनोला प्रीमियम हॅचबॅक म्हणून बाजारात विकले जात आहे. त्याची किंमत 6.61 लाख रुपये पासून सुरू होते.
बाजारात अशा काही कार विकल्या जात आहेत ज्या बलेनोपेक्षा अधिक सुरक्षितता आणि उत्तम बिल्ड क्वॉलिटीसह समान किंमतीत येतात. बाजारात बलेनोची स्पर्धा Hyundai i20 आणि Tata Altroz शी आहे. या तिन्ही कार जवळपास सारख्याच किमतीत विकल्या जात आहेत, अशातच सर्वोत्तम क्रॅश चाचणी रेटिंग असलेल्या टाटा अल्ट्रोझची किंमत 6.61 लाख ते 9.88 लाख रुपये दरम्यान आहे.
केवळ डिझाइनमध्येच नाही तर सुरक्षा वैशिष्ट्यांमध्येही अल्ट्रोझ कुठेही कमी नाही. त्याच्या विभागातील ही सर्वात सुरक्षित कार आहे. Tata Altroz ही भारतीय बाजारपेठेत विकली जाणारी एकमेव हॅचबॅक आहे जी 5-स्टार ग्लोबल NCAP सुरक्षा रेटिंगसह येते. Altroz ला प्रौढ सुरक्षेमध्ये 5-स्टार आणि मुलांच्या सुरक्षेमध्ये 3-स्टार रेट केले गेले आहे.
ह्युंदाई i20 बद्दल बोलायचे झाले तर, क्रॅश टेस्टमध्ये याला फक्त 3-स्टार दिले गेले आहेत, तर मारुती बलेनो ही कार सुरक्षेत शून्य रेटिंग असलेली कार आहे. Altroz मध्ये दोन एअरबॅग्ज, चाइल्ड लॉक, चाइल्ड सीटसाठी अँकर पॉइंट, ओव्हरस्पीड वॉर्निंग, स्पीड सेन्सिंग डोअर लॉक, अँटी थेफ्ट इंजिन इमोबिलायझर, सेंट्रल लॉकिंग, टायर प्रेशर मॉनिटरिंग सिस्टीम यांसारखी वैशिष्ट्ये प्रदान करण्यात आली आहेत.