अहमदनगर Live24 टीम, 18 नोव्हेंबर 2021 :- लाल आणि उन्हाळी या दोन्ही कांद्याच्या 2822 गोण्यांची आवक बुधवारी राहाता बाजार समितीत झाली. यामध्ये आवक झालेल्या कांद्यामध्ये प्रतिक्विंटल उन्हाळी कांद्याला जास्ती जास्त 2500 तर लाल कांद्यालाही 2500 रुपये इतका भाव मिळाला.
कांद्याला मिळालेला भाव जाणून घेऊ… दरम्यान राहाता बाजार समितीत 2 हजार 822 कांद्याच्या गोण्यांची आवक झाली. उन्हाळी कांदा नंबर 1 ला 2100 ते 2500 रुपये तर लाल कांद्याला 2200 ते 2500 असा भाव मिळाला.
कांदा उन्हाळी नंबर 2 ला 1450 ते 2050 रुपये, लाल कांद्याला 1550 ते 2150 रुपये भाव मिळाला. कांदा नंबर 3 ला उन्हाळी 600 ते 1400 रुपये तर लाल कांद्याला 700 ते 1500 भाव मिळाला.
गोल्टी उन्हाळी कांद्याला 1700 ते 1900 रुपये व लाल कांद्याला 1800 ते 2000 रुपये भाव मिळाला. जोड कांद्याला उन्हाळी 100 ते 500 रुपये व लाल कांद्याला 200 ते 600 रुपये भाव मिळाला.