देशातील ‘ह्या’ भागात भूकंपाचे धक्के, नागरिकांमध्ये घबराट

अहमदनगर Live24 टीम, 1 डिसेंबर 2020 :- उत्तराखंड राज्यातील विविध ठिकाणी भूकंपाचे सौम्य धक्के जाणवले. सकाळी ९ वाजून ४१ मिनिटांनी भूकंपाचे सौम्य धक्के जाणवल्याची माहिती मिळते आहे.

उत्तराखंडमधील हरिद्वार आणि परिसरात सकाळच्या सुमाराला भूकंपाचे धक्के जाणवले. सौम्य स्वरूपाचा हा भूकंप असला तरी त्यामुळे नागरिकांमध्ये चांगलीच घबराट पसरली होती.

३.९ रिश्टर स्केलचा हा भूकंप होता. सकाळच्या वेळी नागरिकांना अचानकपणे भूकंपाचे हादरे जाणवू लागल्यानंतर नागरिक घराबाहेर आले. मात्र अनेक ठिकाणी हे धक्के सौम्य असल्यामुळे नागरिकांना भूकंपाची जाणीवदेखील झाली नाही.

या भूकंपात कुठलंही नुकसान झाल्याची माहिती नाही. कुठलीही जीवित किंवा वित्तहानीची घटना अद्याप नोंदवण्यात आलेली नाही.

अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved