कोपरगाव :- पुणे-धुळे एसटी बस (एमएच १४ बीटी ३२९०) धुळ्याकडे जात असताना एकाने स्वीफ्ट डिझायर कार (एमएच १७ बीव्ही ९६९१) आडवी लावून माझ्या मावस बहिणीला सावळविहीर येथे का उतरवले नाही? असे म्हणत बसचालकास मारहाण व शिवीगाळ केली.
नगर-मनमाड महामार्गावर तीनचारी येथे गुरूवारी दुपारी १ वाजता ही घटना घडली. या प्रकरणी कोपरगाव शहर पोलिस ठाण्यात गुन्हा दाखल झाला.
बसचालक नाकाडे आजिनाथ माने (पिंपळवंडी, ता. पाटोदा, जि. बीड) यांनी स्विफ्ट कारचालक संदीप गणेश विघे (सावळविहीर) व कविता विनोद हुसळे (संगमनेर) व इतर दोन अनोळखी व्यक्तींविरोधात फिर्याद दिली आहे.