राहुरी : मुळा धरणाच्या पाण्यात काल (दि. ९) दुपारी साडेचार वाजेदरम्यान एका तरूणाचा मृतदेह पाण्यावर तरंगताना आढळून आला आहे. याबाबत माहिती अशी की, मुळा धरणाच्या जलाशयामध्ये काल (दि. ९) सायंकाळी साडेचार वाजण्याच्या सुमारास एका तरूणाचा मृतदेह आढळला.
सदर माहिती मिळताच मुळा डॅमचे माजी सरपंच अंकुश बर्डे यांसह युवकांनी सदर घटना पोलीस प्रशासनास कळवली. त्यानंतर सायंकाळी साडेपाच वाजण्याच्या दरम्यान सदर मृतदेह पाण्याच्या बाहेर काढण्यात आला. मात्र, अद्याप सदर मृतदेहाची ओळख पटली नाही.
सागर अशोक नवसारे व मोसिन बशीर शेख या युवकांनी मुळा डॅमचे माजी सरपंच अंकुश बर्डे यांच्या मार्गदर्शनाखाली मृतदेह पाण्याबाहेर काढला.