7th pay commission : केंद्र सरकारकडून केंद्रीय कर्मचाऱ्यांसाठी सतत काही ना काही निर्णय घेतले जातात. नुकताच केंद्र सरकारने केंद्रीय कर्मचाऱ्यांच्या महागाई भत्त्यात वाढ केली आहे. वर्षातून दोन वेळा कर्मचाऱ्यांच्या महागाई भत्त्यात वाढ केली जाते.

आता केंद्र सरकार लवकरच कर्मचाऱ्यांना नव्या वेतन रचनेचा लाभ देणार आहे. केंद्रीय कर्मचाऱ्यांच्या पगारासाठी नवीन वेतन फॉर्म्युला आणला जाऊ शकतो.

सरकार नवीन वेतन आयोग आणणार का?

नवीन नियोजनाअंतर्गत वेतन वाढीसाठी कामगिरीचा आधार घेण्याची तयारी सरकार करत आहे. मात्र, केंद्रीय कर्मचारी वेळोवेळी नवीन वेतन आयोग आणण्याची मागणी करत आहेत. मात्र सरकार सध्या तरी या मूडमध्ये दिसत नाही.

माजी अर्थमंत्री अरुण जेटली यांनी जुलै 2016 मध्ये वेतन आयोगावर बोलताना म्हटले होते – आता वेतन आयोगाव्यतिरिक्त कर्मचाऱ्यांच्या पगारात वाढ करण्यासाठी नवीन स्केल असावे. अर्थ मंत्रालयातील सूत्रांनी दिलेल्या माहितीनुसार, सरकार आता केंद्रीय कर्मचाऱ्यांसाठी नवीन वेतन आयोग आणण्याच्या बाजूने नाही.

50% डीए वाढीवर पगार सुधारणा केली जाईल

7 व्या वेतन आयोगानंतर पुढील वेतन आयोग येणे कठीण आहे. मिळालेल्या माहितीनुसार, 68 लाख केंद्रीय कर्मचारी आणि 52 लाख निवृत्तीवेतनधारकांसाठी अशी प्रणाली तयार करण्यासाठी सरकार या दिशेने काम करत आहे.

ज्यामध्ये डीए 50 टक्क्यांपेक्षा जास्त असल्यास पगारात स्वयंचलितपणे सुधारणा होईल. त्यासाठी ‘स्वयंचलित वेतन सुधारणा प्रणाली’ बनवता येईल.

त्याचबरोबर सध्याचा महागाईचा दर पाहता 2016 पासूनच्या पगारवाढीच्या शिफारशींसह जगणे त्यांच्यासाठी कठीण जाईल, असे कर्मचाऱ्यांचे मत आहे. मात्र, याबाबत सरकारकडून अंतिम निर्णय घेणे बाकी आहे.