राहुरीत दरोड्याच्या तयारीतील पाच जण अटकेत, दोन आरोपी पसार, राहुरी पोलिसांची कारवाई !

राहुरी पोलिसांनी दरोड्याच्या तयारीत असलेल्या सात सशस्त्र आरोपींविरुद्ध गुन्हा दाखल केला असून त्यांच्या पैकी पाच आरोपींना वाहन व हत्यारांसह अटक केल्याचे पोलीस निरीक्षक संजय ठेंगे यांनी सांगितले.

राहुरी पोलीस स्टेशनच्या गस्त करणाऱ्या पथकास माहिती मिळाली की, गुहा परिसरामध्ये काही संशयीत लोक टाटा कंपनीची पांढऱ्या रंगाची मालवाहतूक गाडी व मोटरसायकलने येऊन दरोड्याच्या तयारीने टेहळणी करत आहे.

या माहितीच्या अनुषंगाने राहुरी पोलीस स्टेशनचे रात्रगस्त अधिकारी / कर्मचारी यांनी व डीबी पथकाने समन्वय साधून माहिती मिळालेल्या ठिकाणी छापा टाकून कारवाई केली असता या ठिकाणी एकूण सात संशयीत इसमांपैकी मोटारसायकलवरील तीन इसम मोटारसायकलवरून पळून गेले.

जागेवर सापडलेल्या चारही इसमांची नावे सुखदेव रामदास खिलदकर (वय ३० वर्ष), साहिल सिकंदर सय्यद (वय २५ वर्षे, दोघेही राहणार नांदूर, तालुका आष्टी, जिल्हा बीड), अरुण बाळासाहेब बर्डे (वय २२ वर्षे, राहणार कुरणवाडी, तालुका राहुरी, जिल्हा अहमदनगर), सोमनाथ रामदास गायकवाड (वय २७, राहणार कुरणवाडी, तालुका राहुरी, जिल्हा अहमदनगर) असून त्यांच्याकडे धारदार शस्त्र, दोऱ्या, स्क्रू ड्रायव्हर, वेगवेगळे पान्हे, केबल कटर, लोखंडी कत्ती, लाइटर असे साहित्य आढळून आले.

पथकातील एका टीमने मोटारसायकलवर पळून गेलेल्या आरोपींचा पाठलाग केला असता मोटारसायकलवरील नियंत्रण सुटल्याने तिघेही तिथे पडले, पोलीस पथकाने त्यांना ताब्यात घेण्याचा प्रयत्न केला असता त्यातील आरोपीला मार लागलेला असल्याने तो पळून जाऊ शकला नाही.

त्यास ताब्यात घेऊन त्याचे नावगाव विचारले असता त्याने त्याचे नाव. शक्तिमान रामदास गायकवाड (राहणार कुरणवाडी, तालुका राहुरी, जिल्हा अहमदनगर) असल्याचे सांगून इतर दोन पळून गेलेल्या आरोपींची नावे बाळू लहानु गायकवाड व नवनाथ तुकाराम पवार असल्याचे सांगितले.

सातही आरोपींवर भारतीय न्याय संहितेच्या कलम ३१० (४) (५) प्रमाणे गुन्हा दाखल करण्यात आलेला आहे. आरोपींवर वेगवेगळ्या पोलीस स्टेशनला विविध गुन्हे दाखल आहेत.

ही कारवाई पोलीस अधीक्षक राकेश ओला, अपर पोलीस अधीक्षक वैभव कुलुबर्मे, उपअधीक्षक बसवराज शिवपूजे यांच्या मार्गदर्शनाखाली पोलीस निरीक्षक संजय ठेंगे यांच्या नेतृत्वात सहाय्यक पोलीस निरीक्षक देवेंद्र शिंदे, सहाय्यक पोलीस निरीक्षक रविंद्र पिंगळे, उपनिरीक्षक धर्मराज पाटील, हवालदार शाकुर सय्यद, पोलीस नाईक प्रवीण अहिरे,

हवालदार सुरज गायकवाड, राहुल यादव, प्रवीण बागुल, विकास साळवे, सतीश आवारे, बाबासाहेब शेळके, कॉन्स्टेबल प्रमोद ढाकणे, अंकुश भोसले, सतीश कुऱ्हाडे, सचिन ताजणे, आदिनाथ पाखरे, नदीम शेख, गोवर्धन कदम, रोहित पालवे, गणेश लिपणे, अमोल भांड, पोलीस नाईक सचिन धनाड, संतोष दरेकर यांनी केली.