२९ जानेवारी २०२५ राहुरी : नगर-मनमाड महामार्गावर सोमवारी रात्री एका अज्ञात वाहनाच्या धडकेत राहुरी तालुक्यातील तांभेरे येथील रहिवासी जीवन वामन वाघ (वय ५६) यांचा दुर्दैवी मृत्यू झाला. ही घटना गुहानजीक असलेल्या सेल पेट्रोल पंपाजवळ घडली.
वाघ हे राहुरी फॅक्टरीकडून पायी चालत गुहाकडे जात असताना पाठीमागून आलेल्या अज्ञात वाहनाने त्यांना जोरदार धडक दिली. अपघातानंतर घटनास्थळी स्थानिक नागरिकांनी तत्काळ धाव घेतली. रुग्णवाहिका चालक रवी देवगिरे यांच्या मदतीने जीवन वाघ यांना राहुरी ग्रामीण रुग्णालयात नेण्यात आले.
मात्र, तिथे वैद्यकीय अधिकाऱ्यांनी त्यांना मृत् घोषित केले. या अपघाताबाबत राहुरी पोलीस ठाण्याचे पोलीस निरीक्षक संजय ठेंगे यांच्य मार्गदर्शनाखाली पोलीस हेड कॉन्स्टेबल बाबासाहेब शेळके यांनी घटनास्थळी पंचनामा केला.जीवन वाघ यांच्या पश्चात पत्नी, दोन मुले, सून, आणि नातवंडे असा परिवार आहे. अज्ञात वाहनचालकाचा शोध घेण्यासाठी पोलिसांनी तपास सुरू केला असून या प्रकरणी पुढील कार्यवाही सुरू आहे.