अहमदनगर Live24 टीम, 03 मार्च 2022 Ahmednagar Crime :- किरकोळ कारणातून तिघांवर कोयत्याने हल्ला करणारे आरोपी सोहेल चॉद शेख (वय 24), शोएब चॉद शेख (वय 24), रियाज ऊर्फ बाबा मुनीर पठाण (वय 27, सर्व रा. नागरदेवळे ता. नगर) यांना भिंगार कॅम्प पोलिसांनी अटक केली आहे.
11 जानेवारी 2022 रोजी भिंगारमधील खळेवाडीत आरोपींनी नेवीन संजय माने (वय 22), त्यांची बहिण विद्या मनोज पाखरे व भाऊ निखील संजय माने (सर्व रा. नागरदेवळे, भिंगार) यांच्यावर हल्ला करत त्यांना जीवे मारण्याचा प्रयत्न केला होता.
याप्रकरणी नेवीन माने यांनी भिंगार कॅम्प पोलीस ठाण्यात दिलेल्या फिर्यादीवरून आरोपीविरूध्द गुन्हा दाखल करण्यात आला होता.
या गुन्ह्याचा तपास पोलीस उपनिरीक्षक सतिश शिरसाठ करीत आहेत. सहायक पोलीस निरीक्षक शिशिरकुमार देशमुख यांच्या मार्गदर्शनाखाली उपनिरीक्षक शिरसाठ यांच्या पथकाने आरोपींना अटक केली आहे.