रात्रीच्या वेळी तलवारीने दहशत माजवणाऱ्याला पोलिसांनी केले जेरबंद …!

मोफत मराठी बातम्यांसाठी आमचा ग्रुप जॉईन करा
WhatsApp Group Join Now
Telegram Group Join Now

अहमदनगर Live24 टीम, 04 ऑक्टोबर 2021 :- शहरातील मुख्य भागामधील कोतवाली पोलीस स्टेशन हद्दीत रेकॉर्डवरील गुन्हेगारास रात्री एक वाजता तलवारीसह कोतवाली पोलिसांनी अटक केली आहे.

कोतवाली पोलीस स्टेशन हद्दीमध्ये कोंबीग ऑपरेशन चालु असतांना पोलीस निरीक्षक संपत शिंदे यांना माहिती मिळाली की, शहरातील मार्केट यार्ड भागात महात्मा फुले चौकात एक इसम हा त्याच्या हातात तलवार घेऊन

नागरीकांवर दहशत माजवत आहे व तेथील नागरीक घाबरुन गेले आहेत. त्यानूसार पोलिसांच्या पथकाने मार्केट यार्ड भागात जावून सदर इसमास हातातील तलवारीसह ताब्यात घेतले.

त्याचे नाव दिपक सुरेश बेऱ्हाडे (वय २३, रा-सारसनगर, मार्केट यार्ड) असे असल्याचे सांगीतले. त्यास तात्काळ कोतवाली पोलीस स्टेशन येथे घेवुन

त्याच्याविरुध्द गुन्हा दाखल करण्यात आला आहे. सदर आरोपीविरुध्द शहरातील एमआयडीसी व कोतवाली पोलिस ठाण्यात गुन्हे दाखल आहेत.