Cryptocurrency Fraud : आज जगात इंटरनेटमुळे अनेक काम सहज करतात येतात. इंटरनेटमुळे आज आपण घरी बसूनच बँकेचे अनेक काम तसेच आपल्या जेवण्याची व्यवस्था देखील करू शकतात. मात्र आज याच इंटरनेटमुळे आपल्या बँक खाते देखील रिकामे होऊ शकते.

अशीच एक घटना समोर आली आहे. क्रिप्टो करन्सीच्या नावाखाली पॉन्झी योजनेच्या माध्यमातून दोघांनी 4700 कोटी रुपयांची फसवणूक करून बनावट व्हर्च्युअल बँकही तयार केली. युरोपातील एस्टोनियाचे रहिवासी असलेले दोन्ही आरोपी अटक करण्यात आले आहेत.

अमेरिकेच्या न्याय विभागाने याबाबत माहिती दिली आहे. आता अमेरिकन सरकार आरोपींच्या प्रत्यार्पणाची वाट पाहत आहे जेणेकरुन त्यांच्यावरील खटला पुढे चालू शकेल. सर्गेई पोटापेन्को आणि इव्हान टुरोगिन हे दोन्ही आरोपी 37 वर्षांचे आहेत.

या दोघांनी पिरॅमिड योजनेतून (पॉन्झी स्कीम) लाखोंची फसवणूक केली. दोघांनी फसवणूक करून हॅशफ्लेअर या क्रिप्टोकरन्सी मायनिंग सर्व्हिसमध्ये गुंतवलेले लोकांचे पैसे मिळवले. वास्तविक बँक नसलेल्या पॉलिबियस बँकेत (व्हर्च्युअल करन्सी बँक) पीडितांचे पैसेही जमा करण्यात आले. बँकेकडून झालेला कथित नफाही गुंतवणूकदारांना दिला गेला नाही. अमेरिकेच्या न्याय विभागाने सांगितले की, या दोघांविरुद्ध 18 प्रकरणांमध्ये आरोपपत्रे सादर करण्यात आली आहेत.

सर्गेई पोटापेन्को आणि इव्हान टुरोगिन यांच्या कंपन्या आणि शेल कंपन्यांच्या माध्यमातून 4700 कोटी रुपयांची फसवणूक झाल्याचे विभागाने म्हटले आहे. लोकांकडून मिळालेला पैसा त्याने स्थावर मालमत्ता आणि आलिशान कार खरेदीसाठी खर्च केला. न्याय विभागाच्या फौजदारी विभागाचे सहाय्यक ऍटर्नी जनरल केनेथ पॉलिट ज्युनियर म्हणाले की, योजनेचा आकार आणि व्याप्ती आश्चर्यकारक आहे. अमेरिका आणि एस्टोनिया सरकार या प्रकरणातील आरोपींची मालमत्ता आणि नफा जप्त करण्याचा प्रयत्न करत आहे.

एफबीआयने या प्रकरणाचा तपास केला होता न्याय विभागाने सांगितले की, मनी लॉन्ड्रिंगच्या कटात किमान 75 रिअल इस्टेट मालमत्ता, 6 लक्झरी वाहने, क्रिप्टोकरन्सी वॉलेट, हजारो क्रिप्टो मायनिंग मशीन्स यांचा समावेश आहे. या प्रकरणाची एफबीआयने चौकशी केली होती. 2015 पासून फसवणूक करणाऱ्या आणखी चार जणांचा समावेश आहे सीबीसी न्यूजने वृत्त दिले आहे की दोन आरोपींव्यतिरिक्त, त्यात एस्टोनिया, बेलारूस आणि स्वित्झर्लंडमध्ये राहणारे आणखी चार लोक आहेत.

वकिलांनी सांगितले की, या लोकांनी 2015 ते 2019 दरम्यान लाखो लोकांना टार्गेट केले होते. अॅटर्नी निक ब्राउन म्हणाले, दोघेही पॉन्झी स्कीमद्वारे लोकांना टार्गेट करायचे. त्यानंतर दोघेही गुंतवणूकदारांची फसवणूक करायचे. ज्या लोकांनी सुरुवातीला गुंतवणूक केली होती, त्या लोकांना नंतरच्या गुंतवणूकदारांचे पैसे ‘नफा’ म्हणून दिले गेले. ही मालिका बराच काळ चालू राहिली.

हे पण वाचा :- Oyster Found Again : बाबो ..! 30 हजार वर्षांपूर्वी नामशेष झालेले ऑयस्टर पुन्हा सापडले ; शास्त्रज्ञ गोंधळले