Smartphone Tips : स्मार्टफोन ही दैनंदिन जीवनातील गरजेची गोष्ट बनली आहे. लहानांपासून ते मोठ्यापर्यंत सगळ्यांकडे स्वतःचे स्मार्टफोन आहे. बाजारातही जबरदस्त फीचर्स असणारे स्मार्टफोन लाँच होत असतात.

परंतु, हा स्मार्टफोन व्यवस्थित वापरला नाही तर लगेच जुना आणि होतो. जर तुमचाही स्मार्टफोन खराब झाला असेल तर लगेच तुमच्या स्मार्टफोनमधली सेटिंग बदला. तुमचा जून स्मार्टफोन iPhone 14 पेक्षा जास्त वेगाने चालेल.

स्मार्टफोन कोणताही असो, काही गोष्टींची विशेष काळजी घ्यावी लागते. या गोष्टींची काळजी घेतली तर सर्वात जुना फोनही नवीन आयफोनसारखा परफॉर्मन्स देऊ शकतो. जाणून घ्या अशाच काही स्मार्टफोन टिप्सबद्दल

या स्मार्टफोन टिप्सद्वारे तुम्ही तुमचा फोन सुपरफास्ट बनवू शकता

फोन स्टोरेज साफ करा

आजकाल फोनमध्ये 12GB रॅम आणि 256GB पर्यंत इंटरनल स्टोरेज येऊ लागले आहे. तरीही, बरेच लोक त्यांच्या फोनमध्ये बरेच ॲप्स, ऑडिओ, व्हिडिओ आणि इतर फाइल्स भरतात. यामुळे फोन स्लो होतो. आयफोनमध्ये स्पीड चांगला आहे कारण त्यामध्ये सर्व डेटा ऑनलाइन संग्रहित केला जाऊ शकतो.

जेणेकरून फोन पूर्णपणे रिकामा राहील. जर तुमच्या फोनमध्येही अशा प्रकारचा डेटा असेल तर तो मेमरी कार्डवर साठवा किंवा ऑनलाइन सेव्ह करा आणि फोनचे स्टोरेज मोकळे करा. त्यामुळे वेगही वाढेल.

फोन आणि सर्व ॲप्स नेहमी अपडेट ठेवा

आजकाल हॅकर्स नवनवीन पद्धतीने स्मार्टफोन हॅक करत आहेत. त्यांना हॅकिंगपासून रोखण्यासाठी मोबाईल उत्पादक कंपन्या सातत्याने सॉफ्टवेअर अपडेट्सही जारी करतात. तुम्ही तुमच्या फोनमध्ये ही अपडेट्स इन्स्टॉल करत राहा. याचे दोन फायदे होतील, पहिला तुमचा फोन सहज हॅक होणार नाही आणि दुसरा त्याचा स्पीडही वाढेल.

सर्व अनावश्यक ॲप्स काढून टाका

अनेक वेळा आपण आपल्या फोनमध्ये अनेक ॲप्स इन्स्टॉल करतो. हे ॲप्स फोनचा वेगही कमी करतात आणि तो हँग होऊ लागतो. जर तुमच्या फोनमध्ये असे ॲप्स असतील जे तुम्ही खूप कमी वापरता किंवा अजिबात चालत नसतील तर ते ॲप्स काढून टाका. फोनचा वेग आपोआप वेगवान होईल.

कमी रॅम आणि स्टोरेज असलेल्या फोनवर हे ॲप्स इंस्टॉल करा

जर तुमच्या फोनचा स्पीड कमी असेल आणि स्टोरेज कमी असेल पण तुम्हाला ॲप्स इंस्टॉल करायचे असतील तर ॲप्सची लाइट व्हर्जन इंस्टॉल करा. लाइट आवृत्ती केवळ मूळ ॲप्स निर्मात्याद्वारे जारी केली जाते आणि कमी जागा देखील घेते.

जुन्या फोनवरही ते सहज चालवता येतात. उदाहरणार्थ, मूळ Facebook ॲप्स च आकार सुमारे 69MB आहे, तर Facebook Lite फक्त 1.9MB आहे. अशा परिस्थितीत, लाइट आवृत्ती स्थापित केल्याने तुमच्या फोनचा वेग किती वाढतो याची तुम्ही कल्पना करू शकता.