PM Kisan Yojana: पीएम किसान सन्मान निधी (PM Kisan Sanman Nidhi) चा 11 वा हप्ता 31 मे 2022 रोजी शेतकऱ्यांच्या खात्यावर पाठवण्यात आला आहे. सरकारने 10 कोटींहून अधिक शेतकऱ्यांच्या खात्यावर 2 हजार रुपये वर्ग केले आहेत.

शेतकऱ्यांची आर्थिक स्थिती सुधारण्यासाठी दरवर्षी त्यांना सरकार (Government) कडून 6 हजार रुपये मिळतात. दर चार महिन्यांनी शेतकऱ्यांच्या खात्यावर दोन हजार रुपये पाठवले जातात.

नियमांनुसार, पीएम किसान सन्मान निधी योजनेच्या पहिल्या हप्त्याचे पैसे 1 एप्रिल ते जुलै दरम्यान पाठवले जातात. दुसरा हप्ता ऑगस्ट ते नोव्हेंबर दरम्यान येतो, तर तिसरा हप्ता डिसेंबर ते मार्च दरम्यान हस्तांतरित केला जातो.

31 जुलै ही ई-केवायसी करण्याची तारीख आहे –

सरकारने सर्व शेतकऱ्यांना ई-केवायसी (E-KYC) प्रक्रिया पूर्ण करण्याचे निर्देश देणारी अधिसूचना जारी केली आहे. सरकारने ई-केवायसी पूर्णपणे अनिवार्य केले आहे. ई-केवायसी करण्यात शेतकरी (Farmers) निष्काळजी असेल तर तो 12व्या हप्त्यापासून वंचित राहू शकतो.

त्याचवेळी शेतकऱ्यांना आनंदाची बातमी देत, सरकारने ई-केवायसीची अंतिम मुदत 31 जुलैपर्यंत वाढवली आहे. अशा परिस्थितीत शेतकऱ्यांनी ही प्रक्रिया या तारखेपूर्वी पूर्ण करणे आवश्यक आहे.

ई-केवायसी कसे करावे? –

  • सर्वप्रथम पीएम किसान योजनेच्या वेबसाइट pmkisan.gov.in वर जा.
  • येथे तुम्हाला फार्मर कॉर्नर दिसेल, जेथे EKYC टॅबवर क्लिक करा.
  • आता एक नवीन पेज उघडेल, जिथे तुम्हाला आधार क्रमांक (Aadhaar number) टाकावा लागेल आणि सर्च टॅबवर क्लिक करावे लागेल.
  • आता तुमच्या नोंदणीकृत मोबाईल क्रमांकावरील क्रमांकावर OTP पाठवला जाईल.
  • सबमिट OTP वर क्लिक करा.
  • आधार नोंदणीकृत मोबाइल (Mobile) OTP प्रविष्ट करा आणि तुमचे eKYC केले जाईल.