Mobile Tips And Tricks :  डिजिटल जग (digital world) आणि सोशल मीडियाच्या (social media) जमान्यात फोनवरून फोटो काढण्याचा ट्रेंड झपाट्याने वाढला आहे.

फोटोग्राफिक डेटानुसार, 2021 मध्ये जगभरात 1.2 ट्रिलियन फोटो घेण्यात आली. असा अंदाज आहे की 2022 मध्ये ही संख्या 1.72 ट्रिलियन असू शकते आणि 2025 पर्यंत ही संख्या 2 ट्रिलियन होईल. म्हणजेच इतके फोटो मेंटेन करणे सोपे काम नाही.

अनेक वेळा फोनमधील स्टोरेज वाढवण्यासाठी आपण आवश्यक फोटो आणि व्हिडिओ चुकून डिलीट करतो. तुम्हालाही हे फोटो परत आणायचे असतील तर हा रिपोर्ट तुमच्यासाठी आहे. या रिपोर्टमध्ये आम्ही तुम्हाला डिलीट केलेले फोटो आणि व्हिडिओ परत मिळवण्याच्या सोप्या पद्धतींबद्दल सांगणार आहोत.

Google Photos

सर्व Android स्मार्टफोनमध्ये Google Photos अॅप आहे. या अॅपच्या मदतीने फोनचे फोटो सहज मॅनेज करता येतात. गुगल फोटोजमध्ये फोटो बॅकअपचा पर्यायही आहे, म्हणजेच फोनवरून डिलीट झालेले फोटो एका क्लिकवर परत आणता येतात.

मात्र, यासाठी तुम्हाला Google Photos मधील बॅकअप अगोदर चालू करावा लागेल. डिलीटफोटो -व्हिडिओ परत मिळवण्यासाठी, Google Photos अॅप उघडा आणि साइज मेनूमधून Trash किंवा Bin वर जा. येथे तुम्हाला सर्व डिलीट केलेले फोन-व्हिडीओज मिळतील.

यामधून, तुम्हाला रिकव्हर करायचे असलेले फोन-व्हिडिओ निवडा आणि रिकव्हर पर्यायावर टॅप करा. हे सर्व फोन-व्हिडीओ तुमच्या फोनमध्ये परत येतील. लक्षात ठेवा की डिलीट केल्याच्या 60 दिवसांच्या आत तुम्ही डेटा रिकव्हर करू शकता.

मेमरी कार्डवरून बॅकअप कसा घ्यावा

तुम्ही तुमच्या अँड्रॉइड फोनवरून किंवा फोनमध्ये असलेल्या मेमरी कार्डमधून फोटो डिलीट झाले असेल तर तरीही तुम्ही ते सहज परत मिळवू शकता. तुम्हाला कार्ड रीडरच्या मदतीने मेमरी कार्ड लॅपटॉप किंवा कॉम्प्युटरमध्ये घालावे लागेल आणि त्यानंतर तुम्ही कोणत्याही रिकव्हरी सॉफ्टवेअरच्या मदतीने फोटो आणि व्हिडिओ रिकव्हर करू शकता.

तुम्ही EaseUS Data Recovery Wizard अॅप देखील वापरू शकता. डिलीट केलेला डेटा मेमरी कार्डमधून जोपर्यंत इतर कोणताही डेटा कॉपी केला जात नाही तोपर्यंत रिकव्हर केला जाऊ शकतो.

फोनच्या मेमरीमधून डिलीट फोटो परत मिळवा

अँड्रॉइड फोनमधील कोणत्याही चांगल्या थर्ड पार्टी अॅपच्या मदतीने फोटो-व्हिडिओ रिकव्हर करता येतो. डेटा रिकव्हरीसाठी तुम्ही DiskDigger आणि Dr.Fone अॅपचीही मदत घेऊ शकता.

हे अॅप्स गुगल प्ले स्टोअरवरून मोफत डाउनलोड करता येतात. अॅप डाउनलोड केल्यानंतर, तुम्हाला रिकव्हरीमध्ये जावे लागेल आणि येथून फोटो आणि व्हिडिओ निवडावे लागतील.

यानंतर तुमच्या फोन स्क्रीनवर तपशीलवार डेटाची संपूर्ण यादी उघडेल. तुम्हाला रिकव्हर करायचे असलेले फोटो निवडा आणि रिकव्हर वर टॅप करा, असे केल्यावर फोटो तुमच्या फोन स्टोरेजमध्ये परत येतील.