Ahmednagar Politics : राज्यात बहुचर्चित राहिलेली अहमदनगर लोकसभा मतदारसंघासाठी १३ मे या तारखेला मतदान झाले. याच दिवशी शिर्डीतही मतदान झाले. अहमदनगर लोकसभेसाठी विक्रमी ६६.६१ टक्के तर शिर्डीत ६३.०३ टक्के मतदान झाले.
मतदान किती झाले याबाबत तर सर्वांनीच चर्चा केली. परंतु मतदान न करणाऱ्यांची संख्याही जास्त होती. ही संख्या नेमकी किती होती याबाबत आकडेवारीतून जाणून घेऊयात – अहमदनगर व शिर्डी या दोन्ही मतदारसंघांत मिळून ३६ लाख ५९ हजार २०१ मतदारांपैकी १२ लाख ८१ हजार ७३५ मतदारांनी मतदानाकडे पाठ फिरवली आहे.
जिल्ह्यात ३ हजार ७३४ मतदान केंद्रांवर मतदान प्रक्रिया पार पडली. नगर लोकसभा मतदारसंघात १९ लाख ८१ हजार ८६६ मतदारांपैकी ६ लाख ६१ हजार ६९८ मतदारांनी मतदानाला दांडी मारली आहे. दुसरीकडे शिर्डीत १६ लाख ७७ हजार ३३५ मतदारांपैकी ६ लाख २० हजार ०३७ मतदारांनी मतदानाचा हक्क बजावला नाही.
२०१९च्या लोकसभा निवडणुकीत अहमदनगर मतदारसंघात १८ लाख ३१ हजार ५३७ मतदार होते. यामध्ये १२ लाख ६ हजार ९० मतदारांनी मतदानाचा हक्क बजावला होता. यावेळी ६ लाख २५ हजार ४४७ मतदारांनी मतदान केले नव्हते.
शिर्डीत १५ लाख ६१ हजार ५५० मतदारांपैकी १० लाख ३० हजार ५०२ मतदारांनी मतदान केले होते. तर ५ लाख ३१ हजार ४८ मतदारांनी मतदानाकडे पाठ फिरवली होती.
अहमदनगर लोकसभा मतदारसंघ
मतदारसंघ एकूण मतदान झालेले मतदान न झालेले मतदान
शेवगाव ३,६१,१९४ २,२७,६६६ १,३३,५२८
राहुरी ३,११,७४५ २,१८,२३५ ९३,५१०
पारनेर ३,४०,९७५ २,३९,१२४ १,०१,८५१
नगर शहर ३,०२,०८३ १,८८,७९५ १,१३,२८८
श्रीगोंदा ३,२८,९६६ २,२३,३५२ १,०५,६१४
कर्जत-जामखेड ३,३६,९०३ २,२२,९९६ १,१३,९०७
शिर्डी लोकसभा मतदारसंघ
मतदारसंघ एकूण मतदान झालेले मतदान न झालेले मतदान
अकोले २,६०,६८६ १,५५,९३० १,०४,७५६
संगमनेर २,७९,७९१ १,८४,०३१ ९५,७६०
शिर्डी २,८०,२५७ १,७८,७१६ १,०१,५४१
कोपरगाव २,७९,६०९ १,७१,०५९ १,०८,५५०
संगमनेर ३,०२,१३३ १,९३,६०५ १,०८,५२८
नेवासा २,७४,८५९ १,७३,९५७ १,००,९०२
