Electric Cars : MG Motors भारतीय बाजारपेठेत आपली नवीन एंट्री लेव्हल सर्वात स्वस्त इलेक्ट्रिक कार लॉन्च (Launch) करण्याच्या तयारीत आहे. ही EV कंपनीच्या भागीदार ब्रँड Wuling’s Air EV वर आधारित असणार आहे. इंडोनेशियातील एका कार्यक्रमादरम्यान हे लॉन्च करण्यात आले आहे.

कोडनम E230, ही नवीन इलेक्ट्रिक कार कंपनीच्या जागतिक लहान इलेक्ट्रिक वाहन प्लॅटफॉर्मवर तयार केली जाऊ शकते. MG भारतीय बाजारपेठेनुसार या कारमध्ये काही बदल देखील करू शकते. जेणेकरून कार येथील वातावरणात आपला जबरदस्त परफॉर्मन्स देऊ शकेल. यावर MG आपले मजबूत बॅजिंग देईल.

150 किमी पर्यंत श्रेणी:

MG या इलेक्ट्रिक कारचा व्हीलबेस आकार 2010mm ठेवणार आहे, तिची लांबी 2.9 मीटर असेल. आकाराच्या अंदाजाविषयी बोलायचे झाल्यास, ते मारुती अल्टोपेक्षा (Alto) 400mm कमी असणार आहे. या कारमध्ये 20 kWh ते 25 kWh पर्यंतचा बॅटरी पॅक दिला जाऊ शकतो.

त्याची वास्तविक जगातील ड्रायव्हिंग रेंज १५० किमी असण्याची शक्यता आहे. त्याची मोटर ४० बीएचपी पॉवर जनरेट करू शकते. सिटी ड्रायव्हिंगचा अनुभव म्हणून कंपनी भारतात ही कार लॉन्च करणार आहे. भारतीय तरुणांना आकर्षित करण्यासाठी यामध्ये मोठी टचस्क्रीन, डिजिटल इन्स्ट्रुमेंट क्लस्टर आणि कनेक्टिव्हिटी फीचर्सही दिले जाऊ शकतात.

सर्वात स्वस्त इलेक्ट्रिक कार असेल:

एमजी मोटर या छोट्या इलेक्ट्रिक कारसाठी टाटा ऑटोकॉम्पकडून बॅटरी पॅक घेणार आहे. टाटा ऑटो कॉम्पने भारतातील इलेक्ट्रिक वाहनांसाठी लिथियम-आयन बॅटरी डिझाइन, उत्पादन, पुरवठा आणि सेवा देण्यासाठी चीनी बॅटरी पुरवठादार गोशानशी हातमिळवणी केली आहे.

एमजीची ही मायक्रो इलेक्ट्रिक कार २ डोअर बॉडी स्टाइलसह येईल. त्याच वेळी, त्याची किंमत १० लाख रुपयांपर्यंत असू शकते. ही कार २०२३ मध्ये लॉन्च होईल.