Electric Cars News : पेट्रोल डिझेलच्या वाढत्या किमती पाहता आता नागरिक इलेक्ट्रिकल गाड्यांकडे वळताना दिसत आहेत. मात्र इलेक्ट्रिक गाड्यांची (Electric Car) चार्जिंग स्टेशन (Charging Station) कमी असल्यामुळे अडथळा निर्माण होत आहे. मात्र आता इलेक्ट्रिक वाहनधारकांसाठी एक आनांदाची बातमी आली आहे.

दिल्लीतील (Delhi) ईव्ही मालक आता १ जूनपासून त्यांची इलेक्ट्रिक वाहने मोफत चार्ज करू शकतील. शहरातील निवडक ठिकाणी मोफत ईव्ही चार्जिंग प्रदान करण्यासाठी चार्जिंग स्टार्टअपचा पुढाकार.

ElectriVa नावाच्या एजन्सीने दिल्लीतील EV मालकांना ही सुविधा देण्यासाठी संपूर्ण दिल्लीत इलेक्ट्रिक कार आणि दुचाकींसाठी सुमारे 40 चार्जिंग स्टेशन्स उभारले आहेत.

इलेक्ट्रिक वाहनांच्या वापरास प्रोत्साहन देणे आणि सार्वजनिक स्थानकांवर ईव्ही चार्जिंगला प्रोत्साहन देणे हा या उपक्रमाचा उद्देश आहे. दिल्लीमध्ये सकाळ आणि संध्याकाळी ईव्ही चार्जिंगचा दर साधारणतः सुमारे ₹10 प्रति युनिट असतो.

या भागात मोफत चार्जिंग स्टेशन उपलब्ध असतील

ईव्ही चार्जिंग स्टार्टअप (EV charging startup) जूनपासून त्यांचे स्टेशन उघडेल. राष्ट्रीय राजधानीतील सार्वजनिक चार्जिंग स्टेशनवर दुपारी १२ ते ३ या वेळेत इलेक्ट्रिक वाहने मोफत चार्ज करण्याची सुविधा असेल.

35 साउथ एक्स्टेंशन, बिकाजी कामा प्लेस, डिफेन्स कॉलनी, लाजपत नगर, मयूर विहार, नेताजी सुभाष प्लेस, साउथ कॅम्पस, नेल्सन मंडेला रोड, हौज खास, ग्रीन पार्क, ग्रेटर कैलाश, पंजाबी बाग, रोहिणी, साकेत, शालीमार बाग, प्रीत विहार चार्जिंग स्टेशनवर मोफत चार्जिंग सुविधा उपलब्ध असेल.

सार्वजनिक चार्जिंगला प्रोत्साहन देण्याची गरज आहे

ElectriVa चे संस्थापक सुमित धानुका (Founder Sumit Dhanuka) म्हणाले, “आम्ही सर्व व्यावसायिक आणि गैर-व्यावसायिक ईव्ही वापरकर्त्यांना दुपारी 12 ते 3 या वेळेत मोफत चार्जिंग देऊ.

दुपारी मोफत चार्जिंग प्रदान करून, राष्ट्रीय राजधानीत ईव्ही इकोसिस्टम मजबूत करण्याचे आमचे ध्येय आहे. सध्या लोकांना पेट्रोल-डिझेलपासून इलेक्ट्रिक वाहनांमध्ये रूपांतरित करण्यासाठी सार्वजनिक चार्जिंगला प्रोत्साहन देणे महत्त्वाचे आहे.

बॅटरी स्वॅपिंगची सुविधा लवकरच उपलब्ध होणार आहे

धनुका म्हणाले, “लवकरच चार्जिंग स्टेशन्सवर बॅटरी स्वॅपिंगची सुविधाही दिली जाईल. ते म्हणाले की, दिल्लीत संपूर्ण शहरात सरकारी संस्थांच्या भागीदारीत आणखी 100 चार्जिंग स्टेशन उभारले जात आहेत.

दिल्लीतील सर्वोच्च इलेक्ट्रिक वाहन

भारतात (India) सर्वात जास्त इलेक्ट्रिक वाहने दिल्लीत आहेत. सरकारी आकडेवारीनुसार, या वर्षी मार्चपर्यंत दिल्लीत खरेदी करण्यात आलेल्या वाहनांपैकी 10 टक्के वाहने ही इलेक्ट्रिक वाहने आहेत.

2022 मध्ये, जानेवारी ते मार्च 14 दरम्यान 10,707 इलेक्ट्रिक वाहनांची नोंदणी झाली. त्यापैकी ५,८८८ इलेक्ट्रिक दुचाकी होत्या.